Popular Bible Verses from Mose V 5

Share

“ ‘Bu tɔ́wò kple nɔwò abe ale si nye Aƒetɔ, mia Mawu la mede se na wò ene, be nànɔ agbe didi, eye nu nadze dzi na wò le anyigba si mele tsɔtsɔ ge na wò la dzi.’ ”

Miwɔ seawo katã dzi ne nu nanyo na mi, ne mianɔ agbe didi le anyigba si azu mia tɔ la dzi.

Mègade ta agu na wo dometɔ aɖeke alo asubɔ ɖeke o, elabe nye Aƒetɔ, wò Mawu la, Mawu ʋãŋu menye. Meɖoa vi tɔ́wo ƒe vodada teƒe na wo vi siwo léa fum va se ɖe woƒe dzidzime etɔ̃lia kple enelia dzi. Ke mevea dzidzime akpe nane siwo lɔ̃am, eye wowɔa nye sewo dzi la nu.’ ”

“ ‘Mègawɔ legba aɖeke na ɖokuiwò o. Mègawɔ naneke si le dziƒo, alo anyigba dzi, alo tsi me le anyigba te o.

“ ‘Mègasubɔ mawu bubu aɖeke kpe ɖe ŋunye o.’ ”

“ ‘Mègayɔ Aƒetɔ, wò Mawu la ŋkɔ dzodzro o, elabe ame si yɔ Aƒetɔ ŋkɔ dzodzro la, magbe tohehe nɛ o.’ ”

Ko wòanye alea woƒe susu anɔ woanɔ vɔ̃yem ɣe sia ɣi! Woalé nye sededewo katã me ɖe asi, eye woawɔ wo dzi la, anyo na woawo kple woƒe dzidzimeviwo siaa tegbee hafi!

“ ‘Ɖo ŋku dzudzɔgbe la dzi, ne nàwɔe kɔkɔe abe ale si Aƒetɔ wò Mawu la de se na wò ene.

“ ‘Ame srɔ̃ megabiã ŋu na wò o. Nenema ke ame ƒe aƒe, eƒe agble, eƒe dɔlaŋutsu loo, alo dɔlanyɔnu kple eƒe tedzi alo nu sia nu si nye ame aɖe tɔ la ƒe ɖeke megabiã ŋu na wò o.’ ”

“ ‘Mègawɔ ahasi o.’ ”

“ ‘Mègaɖi aʋatsoɖase le ame aɖeke ŋuti o.’ ”

“ ‘Mègawu ame o.’ ”

“ ‘Mègafi fi o.’ ”

Ɖo ŋku edzi be yenye kluvi kpɔ le Egipte-nyigba dzi, eye Aƒetɔ, wò Mawu la tsɔ eƒe ŋusẽ triakɔ kplɔ wò tso afi mae. Esia tae Aƒetɔ, wò Mawu la le gbɔgblɔm na wò be nàwɔ dzudzɔgbe la ƒe ɖoɖowo dzi ɖo.

Wɔ dɔ ŋkeke ade ko, eye èkpɔ mɔ awɔ ŋuwò dɔ ɖe sia ɖe ƒomevi le ŋkeke ade siawo me. Ke ŋkeke adrẽlia nye dzudzɔgbe na Aƒetɔ, wò Mawu la. Gbe ma gbe la, ame aɖeke megawɔ dɔ aɖeke o. Wò ŋutɔ wòɖanye o, viwò ŋutsu alo viwò nyɔnu wòɖanye o, wò dɔlaŋutsu alo wò dɔlanyɔnu wòɖanye o, wò nyitsu, wò tedzi alo wò lãwo dometɔ aɖe wòɖanye o, mɔzɔla si dze gbɔwò la wòɖanye o, ɖeke megawɔ dɔ aɖeke o. Ele be wò dɔlawo hã, ŋutsu kple nyɔnu, nagbɔ ɖe eme gbe ma gbe abe wò ŋutɔ ke ene.

“ ‘Nyee nye Aƒetɔ, wò Mawu, si kplɔ wò tso Egipte-nyigba dzi afi si nènye kluvi le kpɔ.’ ”