Popular Bible Verses from Mose V 4

Share

Afi mae miadi Aƒetɔ, mia Mawu la le, eye ne miedii vevie tso dzi blibo kple luʋɔ blibo me ke la, ekema miakpɔe.

Elabe Aƒetɔ, mia Mawu la la, nublanuikpɔla wònye. Magblẽ mi ɖi alo atsrɔ̃ mi o, eye maŋlɔ nu, si wòka atam bla kple mia tɔgbuiwo la be o.

elabe Aƒetɔ, mia Mawu la ɖe wòle abe dzo binu ene, eye wòʋãa ŋu vevie.

Ke kpɔ ɖokuiwò dzi, eye nàdzra wò luʋɔ ɖo kple moveviɖoɖo, ne menye nenem o la, àŋlɔ nu siwo wò ŋku kpɔ la be, eye woado le dzime na wò le wò agbe me ŋkekewo katã me. Na viwòwo kple viwòwo ƒe viwo nanya wo.

Eya ta minyae egbea, migaŋlɔe be gbeɖe o, be Aƒetɔ koe nye Mawu le dziƒo kple anyigba siaa. Mawu bubu aɖeke megali kpe ɖe eŋu o.

Aƒetɔ, mía Mawu la tsɔ ɖe mía gbɔ, eye ne míenya yɔe ko la, etɔna na mí enumake. Dukɔ deŋgɔ ka hã ƒe mawue tsɔ ɖe egbɔ alea?

Ne nu siawo katã va dzɔ ɖe mia dzi le ɣe ma ɣi me, eye mieɖo xaxa me la, ekema miagatrɔ ɖe Aƒetɔ, miaƒe Mawu ŋu, eye miawɔ eƒe nya dzi.

Migatsɔ nya aɖeke kpe se siwo de ge mala na mi la o, eye migaɖe nya aɖeke hã le wo me o. Ke boŋ miwɔ Aƒetɔ, mia Mawu ƒe se siwo de ge mala na mi la dzi.