Popular Bible Verses from Mose V 6

Share

Eya ta lɔ̃ Aƒetɔ, wò Mawu la kple wò dzi blibo kple wò luʋɔ blibo kpakple wò ŋusẽ katã.

Fia wo viwòwo. Gblɔ wo edziedzi ne èle aƒeme, alo nèyi nugbe, alo nèle dɔ wɔm.

Mègaŋlɔ se siwo mede na wò egbe la be o.

“Israel, see! Aƒetɔ, mía Mawu la, Aƒetɔ ɖeka koe.

Bla wo ɖe alɔnu kple ŋgonu be nànɔ ŋku ɖom wo dzi.

Ŋlɔ wo ɖe wò xɔ ƒe ʋɔtrutiwo kple wò agbowo nu.

Vɔ̃ Aƒetɔ, wò Mawu la; subɔ eya ɖeka ko, eye tsɔ eya ko ŋkɔ ka atam.

“Ne Aƒetɔ, wò Mawu la kplɔ wò va anyigba si ŋu wòka atam ɖo na mia tɔgbuiwo, Abraham, Isak kple Yakob, be yeakplɔ wò ava anyigba aɖe si dzi du lolo nyui siwo menye miawoe tso wo o la le, eye woƒe xɔwo me yɔ fũu kple xɔmenu nyui siwo menye wòe de wo xɔawo me o. Vudo siwo menye wòe ɖe wo o la li. Waingble siwo menye wòe de wo o kple amitibɔ siwo menye wòe tso wo o la hã li. Ne Aƒetɔ kplɔ wò va anyigba sia dzi, eye nuɖuɖu ɖe sia ɖe si nèhiã la su asiwò la, kpɔ nyuie be màgaŋlɔ Aƒetɔ si kplɔ wò tso Egipte, afi si nènye kluviwo le kpɔ la be o.

“Esiawo nye se kple ɖoɖo kpakple kɔnu siwo Aƒetɔ, mia Mawu la gblɔ nam be mafia mi. Miwɔ wo dzi le anyigba si tsɔm wòle na mi be miaxɔ wòazu mia tɔ la dzi. Le miaƒe agbenɔɣi katã la, mi kple miaƒe dzidzimeviwo katã mivɔ̃ Aƒetɔ, mia Mawu la, eye miwɔ ɖoɖo kple se siwo katã megblɔ na mi la dzi be mianɔ agbe didi.

Wɔ nu dzɔdzɔe kple nu si nyoa Aƒetɔ ŋu la, be eme nanyo na wò, eye nàyi aɖaxɔ anyigba nyui si ŋu wòka atam ɖo be yeana tɔgbuiwòwo la.

Ne miekatsɛ subɔ mawu bubu aɖe la, Aƒetɔ ado dziku ɖe mia ŋu vevie, atsrɔ̃ mi, miavɔ le anyigba dzi, elabe Aƒetɔ, mia Mawu si le mia gbɔ la, Mawu ʋãŋu wònye.

Migasubɔ dukɔ siwo ƒo xlã mi la ƒe mawuwo o.

“Migate Aƒetɔ, mia Mawu la kpɔ abe ale si mietee kpɔ le Masa ene o.