Popular Bible Verses from Mose V 10

Share

“Azɔ Israelviwo, nu ka dim Aƒetɔ, wò Mawu la le tso asiwò wu be nàvɔ̃ Aƒetɔ, wò Mawu la, awɔ nu siwo katã wògblɔ na wò la, alɔ̃e, asubɔe kple dzi blibo kpakple luʋɔ blibo, eye nàwɔ eƒe se kple ɖoɖowo siwo ƒe se mede na wò egbe la dzi be wòanyo na wò?

Elabe Aƒetɔ, mia Mawu la ɖu mawuwo katã dzi, eye wòkpɔ ŋusẽ ɖe aƒetɔwo katã dzi. Enye Mawu triakɔ si ŋu ŋusẽ kple ŋɔdzi le. Medea ame aɖeke dzi o, eye mexɔa zãnu o.

Eya ta azɔ la, mitso aʋa na miaƒe dziwo na Aƒetɔ, eye migadze aglã ɖe eŋu o.

Etsoa afia na tsyɔ̃eviwo kple ahosiwo, elɔ̃a amedzro, naa nu wòɖuna kple avɔ wòtana.

Eyae nàkafu. Wò Mawue! Wò ŋutɔ èkpɔ nukunu dziŋɔ siwo katã wòwɔ na wò.

Vɔ̃ Aƒetɔ, wò Mawu la, eye nàsubɔ eya ɖeɖe ko. Ku ɖe eŋu, eye nàtsɔ eya ko ƒe ŋkɔ ka atam.

Kpɔ ɖa, dziƒowo kple dziƒowo ƒe dziƒo nye Aƒetɔ, mia Mawu la tɔ. Nenema ke anyigba kple nu siwo katã le edzi hã la, etɔwoe wonye.

Eya ta milɔ̃ amedzro elabe miawo hã mienye amedzro kpɔ le Egipte.