Popular Bible Verses from Yililu 1

Share

Ilaŋa chakenzayi Spiritu Wajila hadenu, mwakatambula ŋovu, mwakekala ayinsahu jami nimuYerusalema, nimwahita Yudeya mwejima, nimuSamariya, nikwakumina maseki.

Yena hakuyila nindi, Nsaŋu jakwiluka mpinji, hela yilaaka, hijenwenuku, jambala jayomweni Tata janatoŋoliyi mwatwala muchima windi.

Chanapompuwu nindi hamu, hakuyileja nindi, Bayi mufuma kuYerusalemaku, chiŋa muchiŋilila kukana kwakaniniyi Tata, kumwatiyili kudami. Chalala kwaamu, Yowanu wajimikilaŋa mumenji, hakwila enu akayijimika mudi Spiritu Wajila hakadi kuhita mafuku amavulu.

Wadimwekesheli kudi wena wamumi nayinjikijilu yayivulu, helili nakabi dehi. Wamwekeni kudi wena mafuku makumi awana (40), nakulumbulula yuma yawanta waNzambi.

Chanahoshiyi mwenimu, iku adi nakutala, hiyakumutwala mwiwulu, ivu dimutambula nijimu, kumumona nawa cheŋi nehi.

Iku achidi kutala mwiwulu mwanayiyi swi-i, nawu akasumuki, hiyakumona amayala ayedi anemani chimu nawena, avwala mahina atooka. Hiyakwila nawu, Enu amayala akuŊaliliya, munemenidi nakutala mwiwulu? Iwu Yesu anatwaluwu mwiwulu, wakenza neyi chochenichi chimunamumoni nakuya mwiwulu.