Popular Bible Verses from Romə 5

Share

Ama Ifray ta' i mum bə mba dle tu si: Kəri məni namba ke sum gi kwa mə bro' ɓo, Kris mbə mar zə mba.

Swə məni cin vunduk rum wa kwa məni wə də mbə, kwa rum cu kə zur i bə rum mi, zə Ifray cin bə um wə vunduk mba kə Simbeɗ um mə Kəleŋ məni mum ne mba.

Cu ndəna' taw mi, ama namba wə tuk kəɗam wə du boni mba ta', zə namba we si boni rum wə gi swə reɗ vunduku. Kə reɗ vunduk, swə gak car ŋgəɗiŋ' kor kwa məni wə um ɓu, ɓay wə du car ŋgəɗiŋ', swə gak cin vunduk rum wa kwa məni wə də mba.

Ifray wə mba kar njeŋ kor rum zə namba ve Kris, zə rum mgbaŋ ni nə, namba gay' heɓ kə rum zə Bârî mba Zezu Kris. Zə namba ve Zezu, mum ne vari ne mba kədan namba ke wə du ɓay Ifray, ɓay mgbaŋ ni nə, namba gay' wə du ɓay rum ɓay namba wə tuk kəɗam zə namba wə ji, i namba wə də gay' wə du mbra' Ifraya.

Kəri məni namba ke tətâ ɓo, Kris mar zə sum kwa bro', mum mar kəri məni Ifray para.

Ɓay mgbaŋ ni nə, Ifray gi mba njeŋ kor rum zə mar Zezu, ɓay pâ daŋ' rum, Zezu də mba siɗ kor bak Ifraya.

Zə swə ɗaw cu mun vun mi, sôwâ juk faŋ sum gi kwa mə bro'o. Ndəna' ta', zə swə ɗaw mun vun, Ifray gi sôwâ juk njeŋ kor rumu.

Cu ndəna' taw mi, ama namba wə tuk kəɗam kə Ifray zə Bârî mba Zezu Kris məni gi mba faŋ gay' heɓ kə Ifray mgbaŋ ni na.