Popular Bible Verses from Romə 6

Share

Zə bal cik məni swə wə fe zə kwa mə bro' məni mum gi nə mara. Ama kwane məni Ifray ne uray ne mba wə du ɓa mba kə Bârî mba Zezu Kris nə nyî mə də hâ.

Kwa mə bro' cu gak suk gbəgboŋ wa ri mi, zə hi cu ta zə dan dlay mi, ama hi wə ta zə ɓay Ifraya.

Zə rum, kəri məni namba ve baptem, namba mar kə rum ɓay sôwâ mo' mba kə rum ta', ɓay ce' ndə məni Bəba par Kris mbə mar kə gbəgboŋ um, ndəna' ta' mum də mba ne nyî mə mbrewe.

I ar kwa tu ri cem cem gi kwa mə bro' ce' ndə kwa sin məni wə gi sin mə bro' mi, zawa i ne tu ri ne kə Ifray ce' ndə sôwâ məni Ifray ra' mbə mar, ɓay i ne tu ri cet ne kə Ifray ce' ndə kwa sin mə gi kwa mə njeŋe.

Mə we dan məni nə kə ɓayrumu: Kpak tu məni namba ke kə ndi ɓa' si nə mar kə Kris wa gu, kədan gbəgboŋ kpak tu mba mə bro' nə ɗənok, ɓay kədan namba cu də ke bek kwa mə bro' za' mi.

Ndəna' kə hi ta', i kar tu ri ce' ndə mar wə hay' kwa mə bro', ɓay i kar tu ri ce' ndə hi kə i zə Ifray wə du ɓa mi kə Zezu Kris.

Namba də in ma su? Namba də kofo kə gi kwa mə bro' kədan ɓay Ifray nə də ke wa mba ɓayrum su? Cu ndəna' mi! Namba mar wə hay' kwa mə bro' si, namba gak ta du kwa mə bro' kərem su?

Hi we si njeŋ, kəri məni hi ar tu ri ne kə swə kədan hi ta zə rum, hi faŋ bek swə məni hi wə ta zə rumu. Hi la' wə ta zə kwa mə bro' si, hi də mara. Hi la' wə ta zə Ifray si, mum də mi gi njeŋ kor rumu.

Ama mə gi soko ne kə Ifraya: Ɓa' si, hi ke bek kwa mə bro', ama mgbaŋ ni nə, hi wə ta zə dan mə kəzin' məni hi za' wə du kwata' Ifray kə vunduk ri daŋ'ŋ. Ifray siɗ ni mbə du sin mə bro', ɓay hi faŋ bek gi kwa mə njeŋe.