Popular Bible Verses from Romə 4

Share

Mum cu ar dan məni mum ve nə mi, ɓay mum cu way dan wa dan məni Ifray kawvun wa rum kə rum nə mi. Zawa dan məni mum ve nə ne gbəgboŋ ne num, ɓay mum gi mbra' ne kə Ifraya. Mum we kə tu rum njeŋ i Ifray gak gi kwa məni mum kawvun wa rumu.

Ce' ndə məni Dan rum wây' wə du ɗerwa: Na gi nu faŋ bəba zə saŋ rawa. Mum faŋ ba mba kor Ifray zə mum ve dan Ifray məni wə ra' sôwâ mbə mar, ɓay wə gi kwa məni cu mi, faŋ kwa məni kəta'a.

Ifray ar num mar zə kwa mə bro' mba ɓay mum faŋ par num mbə mar kədan mum mba gi njeŋ kor Ifraya.

Ko kəri məni Abraham cu kə ri kədan mum cin vunduk rum wa dan Ifray mi, mum ve dan rum ɓay cin vunduk rum wa dan rumu. Zə rum, mum faŋ «bəba sôwâ rawa.» Ce' ndə məni Dan rum wây' wə du ɗerwa: Raw daw rawti ru də ke ndani na'a.

Ifray kawvun kə Abraham zə mum ve dan umu. Mum gi ndəna' kədan dan məni mum kawvun wa rum nə ke kwane Ifray mə uray, ɓay kədan dan məni mum kawvun wa rum nə ke kə sin zə daw rawti Abraham daŋ', cu zə sôwâ məni wə ta zə dan dlay taw mi, ama zə sôwâ məni wə ve Ifray ce' ndə məni Abraham ve dan rum ta'a. Abraham nə ba mba daŋ'ŋ.

«Kəɗam zə sôwâ məni Ifray vrum sin mə bro' nday, ɓay pik kwa mə bro' nday ta rəka! Kəɗam zə swə məni Bârî cu in kwa mə bro' um wa rum mi.»

Dan rum wây' wə du ɗerwa: «Abraham ve Ifray, ɓay Ifray kar num ce' ndə swə mə njeŋ kor rum zə mum ve dan umu.»