Popular Bible Verses from 1 Rapajko 3

Share

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

Isor do uniye metadea, “Am do ḍher din bahaokʼ reakʼ, se am lạgitʼ dhon-durib, se amren bạirikoakʼ gujukʼ hõ bam khojlakʼa menkhan mońjte bicạr chinḍạu reakʼ bujgem khojakada

Ona chaḍa am oka bam koeyakatʼ ona hõń emam kana. Iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”

Amren ạpum Dạud leka ińakʼ sanam niạm ar hukumkom manao idi ar ińakʼ hortem taṛam enḍekhan ḍher diniń bahao ocomea.”

Gibeonre ńindạ jokhecʼ Probhu Isor do kukmũ talate Solomon ṭhene sodorena. Isor do uniye metadea, “Iń ṭhen okam khoj ona reakʼ jotowakʼge amiń emama.”

“E ińren Probhu Isor, ińren ạpuń Dạudakʼ jaegare ńitokʼ do amren guti rajem hoyoco akadea. Menkhan ińakʼ umer do komgea, onate bạń baḍaea cetʼ lekate ińakʼ dạyikiń palona.

Solomon noae khojketʼte Probhu Isor do ạḍiye kusiyena.

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

Ar amren guti do nonḍe amem bachao akawan hoṛko talarege menaea. Ar onko do nonkan mitʼṭecʼ maraṅ jạtren kanako, one onko do ohoko lekha caba daṛelen.