“Dhạrtiren sanamko okaṭakʼ horte calakʼ hoyokʼtako iń hõ ńitokʼ do ona hortegeń mohnḍa akana. Onate am do keṭejokʼme, ar mitʼṭen keṭecʼ herel hopon leka udugokʼme. Amren Probhu Isorakʼ sanaleka uniyakʼ horte calakʼme ar Moseyakʼ ạn-ạrire ol akan Probhu Isorakʼ joto niạmko, hukumko, sopolhako ar gohawakʼkom dohoya. Nonkate jãhãnakʼgem kạmi ar jãhãtegem calakʼ onḍegem jo bahakʼa. Enḍekhan Probhu Isor do iń ṭhen okae gokʼakatʼ ona sanamakʼe purạua. Ona gokʼakʼ do hoyokʼkana, ‘amren bõsko goṭa monte pạtiạr salakʼ iń samaṅre taṛam lạgitʼ sontorte akoakʼ jionko khemao enḍekhan Israelkoakʼ siṅghạsonre duṛubokʼ lạgitʼ amakʼ bõsre hoṛkoakʼ okulạn do baṅ hoyokʼa.’