Popular Bible Verses from २ कोरन्‍थी 5

Share

अहैलेल यदि कोइ खिरिस्‍टमे छै त उ लोक लया सिरिस्‍टी चियै। पुरना जिबन बितके चैलगेलै, देख, आब लया जिबन सुरु भेलछै।

येसु खिरिस्‍टमे पाप नै छेलै, तैयो परमेस्‍वर अपनासबके खिरिस्‍टमे धरमी ठहराबैके लेल अपनासबके पाप खिरिस्‍टमे राइखदेल्‍कै।

अपनासब आँखसे देखल बातके आधारमे नै, बल्‍की बिस्‍बासके आधारमे जियैचियै।

यि सब करैबला परमेस्‍वरे चियै, जे अपनासबके खिरिस्‍टसे आपनसङे मिलापमे आनल्‍कै। औरो लोकसबके ओकरसङे मेलमिलापमे लाबैबला काम अपनासबके देनेछै। परमेस्‍वर आपनेसे खिरिस्‍टमे रैहके सनसारके सब लोकसबके अपराधके लेखा नै ल्‍याके मिलापमे आइनरहलछेलै। आबसे यि मिलापके सेबा अपनासबके जिम्‍मा देनेछै।

ओहैसे हमसब खिरिस्‍टके राजदुतसब चियै आ परमेस्‍वर हमरासबके दुवारा तोरासबके बिन्‍ती कैररहलछौ। तुसब परमेस्‍वरसङे मेलमिलाप कर कैहके हमसब सेहो खिरिस्‍टके तरफसे तोरासबके बिन्‍ती करैचियौ।

उ सबके लेल मरलै, ताकि बाचैबलासब आबसे आपने लेल नै बाँच्‍तै, महज ओकरलेल बाँचे, जे ओकरासबके खातिर मरलै आ फेनसे जिबित भ्‍याके उठ्‍यालगेलै। अहैलेल आबसे हमसब ककरो लोकके दिरिस्‍टीसे नै देखब। हमसब खिरिस्‍टके एक समय लोकके दिरिस्‍टीसे देखै छेलियै महज आबसे ओकरा हमसब ओनङके नै देख्‍बै।

हमसब त खिरिस्‍टके परेमके बसमे चियै, कथिलेकी हमसब निसचिन्‍त चियै कि सबलोकके लेल खिरिस्‍ट मरलाके कारन सबके मिरतु भेलै।