Popular Bible Verses from যিশাইয় 60

Share

লগেপ্রভু কোইয়্যেদে, ও যিরূশালেম, উঠ্, পহ্‌‌‌র দে, কিত্তে তঅ পহ্‌‌‌রান লুম্মেগি; লগেপ্রভুর মহিমাগানে তরে পহ্‌‌‌র দের্।

জাদ্‌তুনে তর্ পহ্‌‌‌‌র ইদু এবাক্; ‌ রাজাগুনে তর্ বেন্যেপোত্যে পহ্‌‌‌র ইদু এবাক্।

চঅ, পিত্‌থিমীগান আন্ধারে নাঢা যেইয়্যে ‌‌ আর জাদ্‌তুনো উগুরে এচ্চ্যে ঘুর্‌‌‌‌গুজ্যে আন্ধার, ‌ মাত্তর্ লগেপ্রভু তঅ উগুরে পহ্‌‌‌র দিবো আর তার মহিমাগান তঅ উগুরে ফগদাং অবঅ।

তমা ভিদিরে যে চিগোন তে আজার্ জন উগুরে অবঅ, আর যে বেগত্তুন্ চিগোন তে এক্কো খেমতাবলা জাদ্ অবঅ। মুই লগেপ্রভু; সময়মজিম মুই সিয়েন যাদিমাদি গুরিম।”

দিনো অক্তত্ বেলান পহ্‌র আর দরকার ন-অবঅ,‌‌‌‌‌‌‍‍ চানানর্ জোল্‌জোল্যে পহ্‌রান তর্ ন-লাগিবো,‌‌‌‌‌‌‍‍‌‌‌‌‌‌‍‍ কিত্তে লগেপ্রভুই অবঅ তর্ জিংকানিবরর্ পহ্‌‌‌‌‌‌‌‍র,‍ আর তর্ গোজেনে অবঅ তর্ সয়সাগোজ্যে।

তঅ বেলানে আর কনদিন্অ ন-ঢুবিবো, তঅ চানানেয়ো আর চিগোন ওই ন-যেবঅ। লগেপ্রভু অবঅ তর্ জিংকানিবরর্ পহ্‌র;‌‌‌‌‌‌‍‍ তর্ আবিলেচর দিনুন্ থুম্ অবঅ।

সিয়েনি দেগিনে তুই হুজিয়ে ফোত্‌পোত্যে অবে, হুজিয়্যে তঅ বুগ্‌কো ফুলি উদিবো; সাগর ধন সোম্বোত্তিগানি তইদু আনা অবঅ, জাদ্‌তুনোর ধন-সোম্বোত্তিগানি তইদু আনিবাক্।

তুই চোগ্‌কোলোই চেরোকিত্তে রিনি চাহ্,‌‌‌ তারা বেক্কুনে এগত্তর্ ওইনে তইদু এত্তন্; তঅ পুয়োগুনে দূরোত্তুন এত্তন্ আর তঅ ঝিগুনোরে করত্ গুরি আনা অর্।

সেক্কে তর্ বেক মানুচ্চুনে গম্ অবাক্; তারা উমরত্তে দেজ্‌‌‌চান গজক্ গুরিবাক্।‌‌ তারা মর্ লাগেয়্যে চারা, মর্ আঢ কাম; তারার মাধ্যমে মর্ সয়সাগজ্যে কামানি ফগদাং অবঅ।

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

তঅ গেট্‌তুন নিত্য খুলো থেবঅ,‌‌‌ দিনে-রেদে কনদিন্অ সিগুন বন্ধ ন-থেবাক্ যেন জাদ্‌তুনোর ধন-সোম্বোত্তিগানি মান‌্‌জ্যে তইদু আনি পারন্;‌‌‌ তারার রাজাগুনোরেয়ো আনা অবঅ।

ধূল্যেচরেদি যেইয়্যে উটো পিদিত্ যেইয়্যেগুন্দোই তমা দেজ্‌চান ভুরি যেবঅ, ভুরি যেবঅ মিদিয়ন আর ঐফার বোলী উট্‌তুন্দোই। তারা সোনা আর তুম্বাজ্ আগর্‌বাট্টি্‌লোই শিবা দেজত্তুন এবাক্ আর লগেপ্রভুরে বাঈনী গুরিবাক্।

বিদেশীগুনে তঅ দেবালান আরঅ তুলি দিবাক্ আর তারার রাজাগুনে তরে সেবা গুরিবাক্। যুনিয়ো রাগে মুই তরে আঘাত্ গোজ্যং তো দোয়্যে গুরি মুই তরে মেয়্যে গুরিম।

“যুনিয়ো তরে ছাড়ি দেনা বা ঈচ্ গরা ওইয়্যে,‌‌‌‌‌‌‌‌‌‌‌‌‌‌ কনজনে তমা ভিদিরেদি ন-যেদঅ, তো মুই তরে চির জিংকানিবরর্ মানুচ্ গুরিম আর বংশর পর বংশর বেক্কুনোর হুজির হবর্।

মাবো যেধোক্ক্যেন তা পুয়োবোরে দুধ হাবায় সেধোক্ক্যেন জাদ্‌তুনে আর রাজাগুনে তারার গম্ গম্ জিনিস্‌চানি তরে দিবাক্।‌‌‌‌‌‌‍‌‌‌‌‌‌‍ সেক্কে তুই হবর্ পেবেদে, মুই লগেপ্রভু তর্ উদ্ধোরগুরিয়্যেবো, তর্ মুক্তি দিয়্যেবো, যাকোবর সেই খেমতাবলা মানুচ্চো।