Popular Bible Verses from যিশাইয় 61

Share

প্রভু লগেপ্রভুর আত্মাগান মঅ উগুরে আঘে, কিত্তে তে মরে নেযেয়্যে যেন মুই নাঢা মানুচ্চুনো ইদু গম্ হবর্ কুয়োই দুয়োং। তে মরে পাদেয়্যেদে যেন মুই মানুচ্চুনোর ভাঙা মনানি জড়া দি পারং আর বন্দীগুনো ইদু স্বাধীনতা আর জেলোত্ পুরিয়্যেগুনো ইদু উদ্ধোর্ অনা ফগদাং গুরি পারং; যেন মুই লগেপ্রভুর দোয়্যে দেগেবার সময়োর কধা আর আমা গোজেনর্ হেনা সুজিবার দিনোর কধা ফগদাং গুরি পারং আর যিগুনে আবিলেচ্ গোজ্যন তারারে বুঝেই পারং; যেন সিয়োনত্ যিগুনে আবিলেচ্ গোজ্যন তারা মাঢা উগুরে মুই ছেইয়োর বদলে দোল্ মুকুট দি পারং; যেন মুই আবিলেচর্ বদলে হুজির্ তেল আর হতাশার্ বদলে নাঙ্ গিনিবার পোজাক্ দি পারং। তারারে কুয়ো অবঅ সততার এলোন গাজ্; লগেপ্রভু সিগুন লাগেয়্যেদে যেন সিগুনোর মাধ্যমে তারে বাঈনী গরানাগান ফগদাং পায়।

মঅ মানুচ্চুনে লাজ বদলে সোম্বোত্তির দ্বিগুন ভাগ পেবাক্, আর অসর্মান বদলে তারা তারার সোম্বোত্তিগানিত্ রঙ্গফুত্তি গুরিবাক্। তারা দেজত্ তারা দ্বিগুন ভাগ পেবাক্ আর তারার উমরর্ হুজির হবর্ অবঅ।

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

তারা আগ দিনোত্ ভস্ত ওইয়্যে জাগানি আরঅ তুলিবাক আর ঠিগ্ গুরিবাক। যেদক্কানি শঅর্ বংশর পর বংশ ধুরিনে ভস্ত ওই যেইয়্যে সিয়েনি তারা আরঅ নূয়ো গুরি বানেবাক্।

মাদিত্ যেবাবোত্যেগুরি চারা উদোন্ আর বাগানত্ বীজিত্তুন গাজ্ উদোন সেবাবোত্যেগুরি প্রভু লগেপ্রভু বেক্ জাদ্‌‍‍তুনো মুজুঙোত্ সততাগান আর নাঙ্ গিনিবার চারা গেজেব।

তমারে কুয়ো অবঅ লগেপ্রভুর ধর্মগুরু; তমা নাঙানি অবঅ আমা গোজেনর সেবাগুরিয়্যে। তুমি জাদ্‌তুনোর ধন-সোম্বোত্তিগানি ভোগ গুরিবা আর তারার ধনানিলোই বাড়্‌বো গুরিবা। ‍

লগেপ্রভু কোইয়্যেদে, “মুই ন্যায়বিচের গম্ পাং আর ডাগেত্ গরনা আর অন্যেয়ানি ঘিনাং। মর্ বিশ্বেজ্‌চান্দোই মুই তারারে বক্‌শিজ্ দিম আর তারাত্তে এক্কান উমরর্ বেবস্থা থিদেবর্ গুরিম।‍‍‌‍‍