Popular Bible Verses from যিশাইয় 40

Share

তে বল্‌‌‌পোজ্যেগুনোরে বল্ দে আর বল্ নেইয়্যেগুনোরে বল্ বাড়েই দে।

বয়স কম্ বলাগুনেয়ো বল্ পোজ্যে অন্ আর মন্ মরা অন্ আর গাবুজ্যেগুনে উজোত্ হেইনে পড়ন্, মাত্তর্ যিগুনে লগেপ্রভু উগুরে আজা রাগান্ তারা নুয়ো গুরি বল্ পেবাক্। তারা ঈগল পেগো ধোক্ক্যেন্ ডুয়ো মিলিনে অজলত্ উড়িবাক্; তারা দাবা দিলে বল্‌পোজ্যে ন-অবাক্, তারা আঢিলে বল্‌‌‌‌পোজ্যে ন-অবাক্।

তুমি কি হবর্ ন-পঅ? তুমি কি ন-শুনো? লগেপ্রভু, যিবে জনম ভরা গোজেন, যিবে পিত্‌‌‌থিমীর শেজ্ দুযিগান বানেয়্যে, তে বল্ পোজ্যে ন-অয়, মন্ মরায়ো ন-অয়; তা বুদ্ধির গভীনান্ কনজনে মাবি ন-পারে।

একজনর রঅ দাঙর্ গুরি ফগদাং গরের্, “তুমি ধূল্যেচর চাগালাত্ লগেপ্রভুর পথ্‌তান ঠিগ্ গরঅ;‍‍ ধূল্যেচরত্ আমা গোজেনত্তে এক্কান পথ্ সোজা গরঅ।

ঘাস শুগেই যায় আর ফুল্অ ছিনি পড়ে, মাত্তর্ আমা গোজেনর্ কধা জিংকানিবর্ থেবঅ।”

সেক্কে লগেপ্রভুর্ বাঈনী ফগদাং গরা অবঅ, আর বেক মানুচ্চুনে সিয়েনি এক সমারে দেগিবাক্; লগেপ্রভু এ কধানি কোইয়্যে।”

বেক্ কলক্কানি ভরা অবঅ, মুড়ো-মুড়িগুন্ সং গরা অবঅ, মুড়োমুড়ি জাগায়ানি সং গরা অবঅ, আর্ সং নেইয়্যে ভূইয়ানি সং গরা অবঅ।

তে গরগ ধোক্ক্যেন্ গুরি তা ভেড়া পালুন চোরেব, ভেড়া ছঅগুন্ তে আঢ্‌তোই তুলি নিবো‌ আর করত্ গুরি তারারে বুয়োই নেযেব; ছঅ আগন্ এবাবোত্যে ভেড়িগুনোরে তে লাড়ে লাড়ে গুরি চালেই নেযেব।

তুমি চোগ্‌কুন্দোই আগাজ মোক্ক্যে রিনি চঅ;‌ কন্না ইয়েনি বেক্কানি বানেয়্যে? তেয়ই তারাগুনোরে এক্কো এক্কো গুরি নিগিলেই আন্যে; তেয়ই তারারে পত্তিজনরে নাঙ্ ধুরিনে ডাগে। তার দাঙর্ খেমতা আর দাঙর্ খেমতাত্তে তারার এক্কান্অ আজি ন-যায়।

পিত্‌‌থিমীর গুল্ আগাজ উগুরে তেয়ই সিংহাসনত্ বুয়োই আঘে, পিত্‌থিমীর মানুচ্চুনে ফিরিঙো ধোক্ক্যেন্। চানান ধোক্ক্যেন গুরি তে আগাজ্‌‌চানরে বিজেই দিয়্যে, বজত্তি গুরিবার তাম্বুলো ধোক্ক্যেন্ গুরি সিয়েনি খাদেই দিয়্যে।

যিরূশালেম মানুচ্চুনো লগে গমেডালে কধা কঅ, আর তারা ইদু এ কধাগান ফগদাং গরঅ, তারার দুঘ্‌কানি শেজ্ ওইয়্যে, ‍ তারার পাপর খেমা ওইয়্যে, তারার বেক্ পাপর ফলানি তারা লগেপ্রভুত্তুন্ ভর্ পুনংগুরি পেইয়োন।”

একজন রঅ কত্তে, “ফগদাং গরঅ।” মুই কলুং, “মুই কি ফগদাং গুরিম্?” “বেক্ মানুচ্চুনে দঅ ঘাজ ধোক্ক্যেন্, ঘাজ ফুলো ধোক্ক্যেন তারার্ বেক্ দোলান। ঘাস শুগেই যায় আর ফুলঅ ছিনি পড়ে, কিত্তে লগেপ্রভুর নিজেস্‌ছো সিগুনো উগুরেদি বেই যায়। ঘেচ্চেক্‌গুরি মানুচ্ দঅ ঘাস ধোক্ক্যেন্।

চঅ, প্রভু লগেপ্রভুর খেমতালোই এজের্, তার খেমতাবলা আঢ্‌তান তার ওইনে রাজাগিরি গরের্।‌ চঅ, বক্‌শিজ্‌‌‌চান তা সমারে আঘে, তার পাওনাগান তাইদু আঘে।

তমা গোজেনে কোইয়্যেদে, “মঅ মানুচ্চুনোরে সান্ত্বনা দুয়ো, সান্ত্বনা দুয়ো।

কন্না তা আঢ কুলুঙোত্ পিথ্‌তিমীর বেক্ পানিগানরে মাপ্যে‌ বা তার্ বিঘত্‌‌তোই আগাজ দুযিগান্ মাপ্যে? কন্না পিত্‌‌থিমীর ধূল্যেগানি ঝলা ভিদিরে ভোরেয়্যে বা পাল্লালোই মুড়িমুড়িগুন্ মাপ্যে? কন্না লগেপ্রভুর্ আত্মাগানরে মাবি পাজ্যে বা তার্ সল্লাদিয়্যে ইজেবে তারে উবদেজ্ দিয়্যে? বুদ্ধি পেবাত্তে লগেপ্রভু কার সল্লা নেযেয়্যে, আর ঠিগ্ পথ্‌তান কন্না তারে দেগেই দিয়্যে?‌ কন্না তারে জ্ঞান শিক্ষ্যে দিয়্যে বা বিচের্ বুদ্ধির পথ দেগেয়্যে?