Popular Bible Verses from Revelation 3

Share

“Mark, I am staunin at the door, and chappin; gin ony ane hearken to my voice, and unsteek the door, I wull gang in to him, and sup wiʼ him, and he wiʼ me.

“I ken yere warks, that naither cauld nor het ye are; I wad that ye had been aither cauld or het! “And sae than, for that ye are simmer‐warm, and naither cauld nor yet het, I wull spue ye oot oʼ my mooth!

“I, as mony as I weel‐loʼe, repruve and chasten; be zealous than, and turn ye!

“I ken yere warks (tak tent! I hae set afore ye a door unsteekit; as to whilk nane can shut it!) for ye hae a wee pooer, and did keep my word, and didna disown my name.

“He that prevails, I wull gie to him to tak his seat wiʼ me iʼ my thron; as I eʼen prevailʼt, and took my seat wiʼ my Faither in his thron.

“For ye are sayin: ‘Rich am I; and hae rowth oʼ plenishin, and want nocht!’ and divna ken that ye are the waesome ane, and miserable; and in need, and blinʼ, and nakit.

“For that ye did keep the word oʼ my patience, I sal eʼen keep ye oot oʼ the ʼoor oʼ trial, whilk is coming on the hail warld, to test them dwallin on the yirth.

“Wiʼ haste come I! haud fast what ye hae, sae as nae man taks yere croon!

“Tak ye gude tent, and mak siccar what remain, that are ready to dee; for I haena fund yere warks accomplishʼt iʼ the sicht oʼ my God.