Popular Bible Verses from Revelation 2

Share

“Nane‐the‐less, I hae this again ye, that ye hae turned awa frae yere first love.

“Bring ye to mind, than, frae whaur ye hae faun; and turn ye, and div ye yere first warks; or Iʼse come tʼye, and wull tak awa yere lamp‐bearer oot oʼ its place — gin ye turn‐na.

“Be‐na‐fleyʼt as to whatna things ye are to dree. And look! the Enemy is aboot to cast some oʼ ye intil thrall, that ye may be testit; and yeʼse hae dool ten days. Be ye leal to death, and I wull gie ye the croon oʼ Life!

“Wha has hearin, lat him hear what the Spirit is sayin to the Kirks! To him wha prevails, I wull gie to him to eat oʼ the tree oʼ Life, whilk is in the Paradise oʼ God.

“I ken yere warks, and strivin, and yere patience; and that ye canna thole ill men; and did test them caʼin theirsels ‘Apostles,’ and are‐na, and faund them leears

“And has striven, and for my name did thole, and hasna gien ower.

“Wha has hearin, lat him hear, what the Spirit is sayin to the Kirks! To him that prevails, wull I gie oʼ the secret man; and wull gie him a white stane, and on the stane a new name inscrivʼt, that nae ane kens savin he that gets it.