Popular Bible Verses from Revelation 13

Share

Here is discernment: he that is wyss lat him coont‐up the number oʼ the beast; for it is the number oʼ a man, and his number is sax hunner and saxty‐sax.

And they wull worship him aʼ they that dwall on the yirth, ilk ane whase name isna putten‐doon iʼ the Buik‐oʼ‐Life oʼ the Lamb that was slain frae the fundation oʼ the warld.

And he gars aʼ, smaʼ and great, and the rich and the puir, the free and the enthrallʼt, that they soud be brandit on their richt‐haun, or on their broo; And that nane soud hae pooer to buy or to troke, but he that has the mark, the name oʼ the beast, or the number oʼ his name.

Gif ony man is for bonds, intil bonds he gangs; gif ony man wiʼ sword wull slay, by sword sal he be slain. Here is the tholin and the lealness oʼ the saunts!

And he stude upon the sand oʼ the sea. And I saw a beast comin up oot oʼ the sea, haein ten horns and seeven heids, and on his horns ten croons, and his heids bure the names oʼ blasphemie.

And it was gien to him to mak war wiʼ the saunts, and to owercome them. And thar was gien him authoritie ower aʼ tribes, and folk, and tongues, and nations.

And he beguiles them that dwall on the yirth, wiʼ the ferlies it was gien him to do iʼ the sicht oʼ the beast, and commauns thae that dwall on the yirth to mak an image to the beast, wha had a deid‐straik oʼ a sword, and leeved. And it was gien him to gie breath to the image oʼ the beast, that the image oʼ the beast micht eʼen speak; and gar as mony as wadna gie worship to the image oʼ the beast to be slain.

And the beast I saw was like to a leopard, and his feet like as oʼ a bear, and his mooth as a lionʼs mooth; and the Dragon gied him the pooer that he had, and his thron, and great authoritie.

And thar was gien to him a mouʼ speakin unco things, and blasphemies; and thar war gien him authoritie for forty‐twa months.

And I saw ane frae ʼmang his heids as it war thrust‐throwe to the deid; and his deid‐straik was healed; and aʼ the warld ferlie at the beast.

And I saw anither beast comin up oot oʼ the yird; and he had twa horns like a lamb, and he was speakin like a dragon. And he sways the pooer oʼ the first beast in his presence; and gars the yirth and aʼ its dwallers worship the first beast, wha was healed oʼ his deid‐straik.