Popular Bible Verses from Revelation 14

Share

And I heard a voice oot oʼ heeven sayin, “Write ye! Happy the deid wha dee iʼ the Lord, frae this oot! Aye, testifies the Spirit, that they may rest frae aʼ their weary moil, and their warks gang wiʼ them!”

Here is the tholin iʼ the saunts, they wha keep Godʼs commauns, and their lealness to Jesus!

Cryin wiʼ a soonding voice, “Revere God, and gie him laud; for the ʼoor oʼ his judgment has come; and gie ye worship to him who made the Heevens and the Yirth, and the sea, and the waal‐ees oʼ watirs.”

And anither Angel, a third, followʼt wiʼ them, cryin wiʼ a soondin voice, “Gin ony ane worships the beast and his image, and taks the brand on his broo, or on his haun, “He eke sal drink oʼ the wine oʼ the wrath oʼ God, whilk is teemed oot unmixed iʼ the cup oʼ his wrath; and sal be tormentit in lowe and brunstane iʼ the presence oʼ holie Angels, and iʼ the presence oʼ the Lamb.” And the reek oʼ their torment gangs up for evir and evir; and they hae nae ease day nor nicht, they that worship the beast and his image, and gin ony ane taks the brand oʼ his name.

And I saw, and behauld! the Lamb, staunin on Mount Zion; and wiʼ him a hunner and forty‐fowr thoosand, wiʼ his name and his Faitherʼs name inscrivʼt on their broo.

And I saw anither Angel, flyin iʼ the mids oʼ the lift, haein the evir‐durin Gude‐news to deliver to thae that dwall on the yirth, eʼen to ilka nation, and tribe, and tongue, and folk.

And anither, a second Angel, followʼt sayin, “Babylon, the michty, is faun, is faun! wha garʼt aʼ nations to drink oʼ the wine oʼ the wrath oʼ her lecherie!”