Popular Bible Verses from PHUNGTHLUKBIA 3

Share

BAWIPA kha na lung chung dihlak in i bochan law Nangmah fimnak kha i rinh hlah. Na kalnak lam kip ah amah kha hngal law Amah nih na lam kha a tluanter hna lai.

Mah mithmuh i a fimmi va si hlah; BAWIPA kha ṭih law ṭhat lonak kha mertak ko.

BAWIPA cu na chawva le na thilri theitlai hmasa bik hna in upat tuah; Cun na rawl inn cu khat thluahmah in an um lai i Na mitsur nennak khor cu mitsur hang in an liam lai.

Felnak le zumh awk tlakmi sinak kha i chuahtakter hna hlah, Na hngawng ah i ngerh hna law na lung tlap cungah i ṭial hna.

Ka fapa, BAWIPA chimhhrinnak cu zei rel loin um hin hlah. An mawhchiatnak nih cun in nor hlah seh, Zeicahtiah pa nih a duhmi a fapa cu a chimhhrin bangin BAWIPA nih a dawtmi kha a chimhhrin ve hna.

Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh; Zeicahtiah nun saunak le chan saunak le duhdim nunnuamhnak cu an in pek lai.

Fimnak a hmumi cu a lung aa lawm, hngalhthiamnak a ngeimi zong aa lawm ve; Zeicahtiah fimnak cu ngun nakin a ṭha deuh i miaknak a chuahpimi cu sui nakin a ṭha deuh. Fimnak cu rubi lungvar man sungmi nakin a sung deuh, na hlawn vialte ah amah tluk zeihmanh an um lo.

Nangmah kut chungah ṭhatnak tuah khawhnak kha a um tikah, a hmu hnga ding a simi sinin ṭhatnak kha va kham hlah.

BAWIPA nih fimnak in vawlei kha a rak dirh; hngalhthiamnak in van kha a hmunhter hna