Popular Bible Verses from PHUNGTHLUKBIA 2

Share

Zeicahtiah BAWIPA nih cun fimnak kha a pek hna i hngalhnak le hngalhthiamnak kha a cawnpiak hna.

Ka fapa ka bia kha naa lak hna i ka nawlbia kha na lung chungah naa khon hna i Fimnak leiah na hna na chit i hngalhthiamnak leiah na lungthin na pek ahcun, Ahmaan le hmaanlo thleidan khawhnak lungthin kha na auh i hngalhthiamnak kha na kawh ahcun, Ngun bantukin na kawl i thuhmi ro bantukin na kawl ahcun, khi tikah BAWIPA ṭihnak cu na hngalh lai i Pathian hngalhnak cu na hmuh lai.

Miding mi hna caah fimnak ṭha kha a khon i ding tein a kalmi hna caah amah cu phaw a si i Biading lam kha a ven i a mithiang mi hna lam kha a congh.

Zeicahtiah miding mi hna cu hi ram chungah hin khua an sa kho lai i ding tein khua a sami hna cu hi ram chungah hin an um lai. Sihmanhsehlaw miṭhalo hna cu ram chung khan hlonh an si lai i mi rawi hmangmi hna cu ram chung cun phawi an si lai.

Nu zuangzam sinin an khamh lai i nu ralṭha, bia thlumthlum a hmang i A no lio caan a hawikom kha a hlawt i a Pathian biakamnak a philhmi sin khan an khamh lai.