Popular Bible Verses from JOSHUA 6

Share

Cun BAWIPA nih Joshua cu a chawnh i, “Zohhmanh, Jeriko cu a siangpahrang he, a miṭhawng ralṭha hna he tiah, na kut chungah kan pek cang.

Cun tuukawng ki cu an tum vuaimai tikah, muko aw thawng cu nan theih cangka in mi vialte cu fak piin nan au lai; cun khua kulhnak ralhau cu a tlu lai i mi zapi cu anmah le an hmai zawn cio ah khan ding tein an kal lai,” tiah a ti.

Khua cu nan vel lai, ralkap vialte nih chel khat an vel lai. Cu bantukin ni ruk nan tuah lai.

Cun tlangbawi pasarih nih tuukawng ki muko pasarih kuang hmaiah cun an i put lai; cun ni sarihnak ni ah cun khua cu voi sarih nan vel lai, tlangbawi nih muko cu an tum hna lai.

Jeriko khua cu a chunglei he a lenglei he Israel mi hna ruangah cun aa khar khipkhep ko; ahohmanh a chuak a lut an um lo.

Cun a voi sarihnak ah cun, tlangbawi nih muko an tum tikah khan, Joshua nih mi zapi hna sinah cun, “Au tuah u; zeitintiah BAWIPA nih khua cu an pek cang hna,” a ti.

“Cun khua cu le a chung i a ummi thil vialte cu hrawh awkah BAWIPA sinah pekchanh an si lai; kannih nih kan thlahmi lamkaltu hna kha a rak thuh hna caah Rahab le amah he a inn chungah a ummi vialte cu an nung lai.