Popular Bible Verses from ISAIAH 40

Share

A dermi le a bami kha thazang a pek hna.

A nomi hmanh kha an tha a der tawn i tlangval hmanh kha an tha a ba kho. Sihmanhsehlaw BAWIPA aa bochanmi cu thazang thar an la. Mupi bangin an zuang lai; an tlik tikah an baa lai lo, an kal tik zongah an tha a di lai lo.

Nan hngal lo maw? Nan thei lo maw? BAWIPA cu zungzal hmunmi Pathian a si i Amah nih vawlei kha a ser dih; zeitikhmanh ah a baa bal lo i a thazang a tlawm bal lo. Ahohmanh nih a lungthin kha an hngal lo.

Aw pakhat nih, “BAWIPA caah ramcar chungah lam pakhat sial u! Kan Pathian caah thetse ram i lam cu sial u.

Asi, ram cu a car i pangpar cu a uai, sihmanhsehlaw kan Pathian bia cu zungzal in a hmun.

Cun BAWIPA sunparnak cu a lang lai i mi vialte nih an hmuh lai. Hi biakamnak cu BAWIPA hrimhrim nih a tuahmi a si,” a ti.

Horkuang vialte cu chilh an si lai i tlang vialte cu chimh an si lai. Tlang cu hmun rawn ah an cang lai i a bingbomi hmun cu rawn didiai in an um lai.

A tuurun kha tuukhal nih an tuu an zohkhenh hna bangin a zohkhenh hna lai; tuufa tete kha a pumh hna lai i a kut in a cawi hna lai; an nule kha nem tein a hruai hna lai.

Van khi zoh tuah u! Nan hmuhmi arfi khi aho nih dah a ser hna? Ralkapbu bantukin a hruaitu hna nih khin a ser hna; zeizat an si kha a hngalh i an dihlak in an min in a auh hna! A ṭhawnnak cu a lianngan hringhran ko — pakhat hmanh an tlau bal lo!

Vawlei leng le van pin i a bawiṭhutdan cung i a ṭhumi nih khin vawlei cu a ser; a cung i a ummi hna cu khaubawk bantuk men an si. Van cu puanzar bantukin a zam i mi umnak thlam bantukin a samh.

“Jerusalem khuami cu lunglawmhnak pe hna u law, ‘Cu caan an in cu a za cang i atu cu an sualnak kha ka ngaihthiam cang hna,’ a ti tiah chim hna u. An sualnak ruangah a za in dan ka tat cang hna,” a ti.

Aw pakhat nih, “Thanh tuah,” tiah a ti. Kei nih, “Zeidah ka thanh lai?” tiah ka leh. “Minung vialte hi ram bantuk men an si, ramlak pangpar nakin an chan a sau hlei lo. BAWIPA nih thli a chemter hna tikah ram cu an car i pangpar cu an uai. Minung hi ram bantuk men cu an si taktak ko.

BAWIPA nih ṭhawnnak in a uk hna lai i a khamhmi kha aa ratpi hna lai.

“Hnem tuah hna u, ka mi hna cu hnem tuah hna u,” tiah nan Pathian nih a ti.

Aho tal nih rilipi ti khi a zapei kuar in a tah kho maw? van khi tah a khap in a tah khotu aho tal an um maw? Vawlei hi tah aho nih dah hrai pakhat chungah a vawlei a khumh dih khawh? Asiloah, fing le tlang vialte hna hi aho nih dah cuaithlainak in a thlai khawh hna? BAWIPA cu, hihi na tuah awk a si, tiah a chim khomi aho tal an um maw? Aho tal nih BAWIPA cu an cawnpiak kho in ruahnak an cheu kho maw? Zeitindah thil hi tuah awk an si ti hngalhnak le theihnak caah BAWIPA nih aho tal ruahnak a hal bal hna maw?