Popular Bible Verses from PHUNGCHIMTU 5

Share

Bia na chim hlanah i ruat hmasa, cun Pathian sinah hnawnam in biakamnak ser hlah. Pathian cu vancung ah a um i nang cu vawlei ah na um, cucaah a herhmi hlei in zeihmanh va chim hlah.

Pathian nih mi pakhat khat cu rumnak le thilri a pek i cucu a nuamhpiter hna ahcun, Pathian sinah aa lawmh awk a si ko i a ṭuanmi cu aa nuamhpi awk a si ko. Cucu Pathian laksawng pei a si cu.

Tangka duhmi na si ahcun, zeitikhmanh ah kaa za cang na ti kho bal lai lo; rum a duhmi na si ahcun, na duhmi vialte kha cu na hmu kho bal lai lo. Pakpalawng a si ko.

Biaknak inn na kal ah hin i ralring. Cu ka i na va kal tikah zeidah kaa cawn khawh lai ti kha ruat deuh, cucu ahmaanmi thil le ahmaan lo mithil a thleidang kho lomi mihrut hna nih an pekchanhmi raithawinak nakin a ṭha deuh.

Cucaah Pathian sin i bia kamnak na tuah tikah khulrang in cucu zul ko. Pathian nih mihrut cu zeihmanh ah a herh hna lo. Ka tuah lai tiah naa kammi kha va tuah ko.

Bia i kam ṭung i tuah lo nakcun rak i kam lo lawlaw kha a ṭha deuh.

Rian hrang a ṭuanmi cu ei awk a zaa a ngeih caan a um lai, a ngeih lo caan zong a um lai, sihmanhsehlaw zan tal ah ṭha tein aa hngilh; sihmanhsehlaw mirum cu tampi a ngei ko nain a lungretheihnak nih khan hngilh lo in a umter.

Hi vawlei hi kan hung luh bantukte khan kan chuahtak ṭhan lai — zeihmanh lo tein. Zeicahtiah kan tuahmi vialte hi pakhat hmanh kan i kalpi khawh ding a um lo.