Popular Bible Verses from ගීතාවලිය 40

Share

මම ස්වාමින්වහන්සේගැන, ඉවසිල්ලෙන් බලා සිටියෙමි. උන්වහන්සේ මා දෙසට නැමී, මගේ හඬ ගෑම ඇසූ සේක. උන්වහන්සේ මා ගොහොරු වළෙන්, මඩ වගුරෙන්, සෙවල ගොඩෙන් එසවූ සේක්; පර්වතයක් පිට මා දෙපයින් සිටුවා, මා සිටිනා තැන සුරක්ෂිත කළ සේක.

අපේ දෙවියන්වහන්සේට ප්‍රශංසාවක් වන නව ගීයක්, උන්වහන්සේ මගේ මුවේ තැබූ සේක. භය පක්ෂ ව ඒ දකිනා බොහෝ දනා, ස්වාමින්වහන්සේ තුළ තම විශ්වාසය තබනු ඇත.

අහංකාරීන් දෙස නොහැරෙන, පිළිම රූප දෙවිවරුන් පසු පස නො යන, තම විශ්වාසය ස්වාමින්වහන්සේ තුළ ම තබන, තැනැත්තා භාග්‍යවත් ය.

ඔබගේ කැමැත්ත කරන්නට මම ආශා ඇත්තෙමි, අහෝ මගේ දෙවියන්වහන්ස, මගේ හදෙහි ඔබේ ව්‍යවස්ථාව නිදන්ගත ව ඇත.”

ඔබත්, අහෝ ස්වාමින්වහන්ස, ඔබත්, ඔබගේ දයාව මා වෙතින් වළක්වන්නේ නැත. ඔබේ නොමියෙන ප්‍රේමයත්, ඔබේ විශ්වාසවන්තකමත් සදහට ම මා සුරකීවා!