Popular Bible Verses from ගීතාවලිය 34

Share

බිඳුණු හදක් ඇත්තවුනට ස්වාමින්වහන්සේ ළං ව සිටින සේක; මිරිකා පොඩිකරනු ලැබූ ආත්මයක් ඇත්තන් ගලවන සේක.

මම ස්වාමින්වහන්සේ සෙවීමි; උන්වහන්සේ මට පිළිතුරු දුන් සේක්; මගේ සියලු බයින් මා මිදූ සේක.

දමිටු කෙනකුට කරදර-විපත් කොතෙක් තිබුණ ද, ස්වාමින්වහන්සේ ඒ හැමකකින් ම ඔහු ගලවන සේක.

ස්වාමින්වහන්සේ ගුණ යහපත් වග රස බලා ඔබ ම අත්දකින්න; උන්වහන්සේ තුළ සරණයන්නා භාග්‍යවත් ය.

උන්වහන්සේ දෙස බලා සිටින්නෝ ප්‍රීතියෙන් දිදුලන්නෝ ය. කිසි කලෙක ඔවුන්ගේ මුහුණු ලජ්ජාවෙන් නො වැසේ.

දමිටුන් හඬ ගැසූ කල, ස්වාමින්වහන්සේ ඔවුනට සවන් දෙන සේක; ඔවුන්ගේ සියලු විපත්වලින් උන්වහන්සේ ඔවුන් මුදන සේක.

ස්වාමින්වහන්සේගේ දූතයා, උන්වහන්සේට භය පක්ෂවූවන් වටා කඳවුරු බැඳ, ඔවුන් මුදාලයි.

නපුරෙන් ඉවත හැරී, යහපත කරත්වා; සාමය සොයා, එය ලුහුබැඳ යත්වා.

ඔබේ දිව නපුරෙන් ද ඔබේ තොල් රැවටිලි කතාවෙන් ද දුරුව තබා ගනිත්වා.

ස්වාමින්වහන්සේගේ ඇස් දමිටුන් වෙත ය; උන්වහන්සේගේ කන් ඔවුන්ගේ හඬ ගෑමට විවෘත ය.

එන්න, මා සමඟ ස්වාමින්වහන්සේ වර්ණනා කරන්න; අපි එක් ව උන්වහන්සේගේ නාමය උසස් කරමු.