Popular Bible Verses from ගීතාවලිය 31

Share

ස්වාමින්වහන්සේ තුළ බලාපොරොත්තු තබා සිටින සියල්ලෙනි, බලවත් වන්න! හදින් දිරිමත් වන්න.

මගේ ජීවිත කාල-අවස්ථා ඔබ අතේ ය. මගේ සතුරන් අතින්, මට පීඩා කරන්නන් වෙතින්, මා මිදුව මැනව.

ඔබගේ ගුණ යහපත්කම කොතරම් මහත් ද! ඔබ එය ගොඩ ගසා ඇත්තේ, ඔබට භය පක්ෂපාතවූවන් සඳහා ය; මිනිසුන්ගේ ඇස් හමුවේ ඔබ එය වගුරුවා ඇත්තේ, ඔබ තුළ සරණය ලබන්නන් උදෙසා ය.

එහෙත් මම, ඔබ තුළ විශ්වාසය තබමි අහෝ ස්වාමින්වහන්ස, “මගේ දෙවියන්වහන්සේ ඔබ ම යැ” යි කියන්නෙමි.

ඔබ ම ය මගේ පර්වතයත්, මගේ බළකොටුවත්; ඔබගේ නාමයේ ගෞරවය උදෙසා, මට පෙරටුව ගිය මැනව; මට මගපෙන්වුව මැනව.

බාර දෙමි මම, ඔබගේ දෝතට මගේ ආත්මය; ඔබ මා මුදා ගෙන ඇත, අහෝ ස්වාමින්වහන්ස, විශ්වසනීය දෙවියන්වහන්ස.

ප්‍රේම කරන්න ස්වාමින්වහන්සේට, උන්වහන්සේගේ සියලු ශුද්ධවතුනි! තමන්වහන්සේට විශ්වාසවන්තවූවන් ස්වාමින්වහන්සේ සුරකින සේක, එහෙත් උඩඟු වූවනට අඩු නො කොට ප්‍රතිවිපාක දෙවන සේක.

සරණය සොයමි මම, ඔබවහන්සේ තුළ, අහෝ ස්වාමින්වහන්ස, ලජ්ජාවට පත්වන්න කිසි දින මට ඉඩ නො තබනු මැනවි; මුදනු මැනවි මා, ඔබේ දමිටුකම නිසා.