Popular Bible Verses from ගීතාවලිය 143

Share

ඔබගේ කැමැත්ත කරන්නට මට ඉගැන්නුව මැනව, මන්ද මගේ දෙවියන්වහන්සේ ඔබ ය; ඔබගේ යහපත් ආත්මයාණන් සමතලා බිමක මට මගපෙන්වාවා!

ඔබගේ නොමියෙන ප්‍රේමය ගැන උදෙන් ම මට අසන්නට ලැබේවා, මන්ද මම ඔබ තුළ විශ්වාසය තබමි. මා යා යුතු මග මට පෙන්නුව මැනව, මන්ද මගේ ජීවය මා ඔසවන්නේ ඔබට ය.

මගේ සතුරන්ගෙන් මා මුදා ගත මැනව, අහෝ ස්වාමින්වහන්ස, සරණ පතා මා දුව ආවේ ඔබ වෙතට ය.

ඔබගේ නාමයේ ගෞරවය උදෙසා, මගේ ජීවිතය සුරකිනු මැනව, අහෝ ස්වාමින්වහන්ස, ඔබගේ ධර්මිෂ්ඨත්වය මගින්, මගේ ජීවය මේ කරදර-විපත්වලින් පිටතට ගත මැනව.

අහෝ ස්වාමින්වහන්ස, මගේ යාච්ඤාව ඇසුව මැනව, දයාව ඉල්ලා කරන මොර ගැසීමට සවන් දුන මැනව; ඔබගේ විශ්වාසවන්තකමින් හා ඔබගේ ධර්මිෂ්ඨකමින් මට උත්තර දුන මැනව.

වහා මට පිළිතුරු දෙන්න. අහෝ ස්වාමින්වහන්ස, මගේ ආත්මය මැලවී යයි. ඔබගේ මුහුණ මවෙතින් නො සැඟවුව මැනව; මා වළට බැස ගිය එකකු සේ නො වේවා.

ඉස්සර දවස් මට මතක ය; ඔබගේ සියලු වැඩ ගැන මම මෙනෙහි කරමි; ඔබගේ අත්වල වැඩ ගැන ආවර්ජන කරමි.