Popular Bible Verses from විනිසුරුවෝ 7

Share

ස්වාමින්වහන්සේ ගිඩියොන්ට කතා කළ සේක්, “මවිසින් මිදියන්වරුන් මොවුන් අතට හසුකර දීමට ඔබ ළඟ සිටින මිනිසුන් මට ඕනෑවටත් වැඩියි. ‘මගේ අත මා ගැලවී ය’ කියමින්, ඉශ්‍රායෙල් මට ඉහළින් උදාරම් විය හැකියි.

එවිට ස්වාමින්වහන්සේ ගිඩියොන්ට කතා කොට, “ලෙව කා බිවූ මිනිසුන් තුන්සිය දෙනා මගින් මම ඔබ ගලවා, මිදියන්වරුන් ඔබේ අත්වලට දෙන්නෙමි. සෙස්සනට තම තමන්ගේ ගෙවලට යන්න හරින්නැ” යි කී සේක.

එබැවින් දැන් ජනයාට ඇසෙන්නට කතා කොට, ‘යම් කෙනෙක් භයෙන් හා වෙවුලුමෙන් සිටී නම් ඒ අය ආපසු හැරී, ගිලියාද් කන්දෙන් පිට ව යත්වා!’ යි නිවේදන කරන්නැ” යි පැවසූ සේක. එවිට මිනිසුන්ගෙන් විසිදෙදහසක් නික්ම ගියහ. දස දහසක් ඉතිරි වූහ.

ස්වාමින්වහන්සේ යළි ගිඩියොන් අමතමින්, “මිනිසුන් තවමත් බොහොම වැඩියි. වතුර ළඟට ඔවුන් ගෙන යන්න. ඔබ වෙනුවෙන් මම එහිදී ඔවුන් පිරික්සන්නෙමි. ‘මොහු, ඔබ සමඟ යන්නේ යැ’ යි යමකු ගැන මම කියම් ද, ඔහු, ඔබ සමඟ යන්නේ ය. එහෙත්, ‘මොහු ඔබ සමඟ යන්නේ නැතැ’ යි යමකු ගැන මම කියම් ද, ඔහු, ඔබ සමඟ යන්නේ නැතැ” යි පැවසූ සේක.

එබැවින් ගිඩියොන් වතුර ළඟට මිනිසුන් ගෙනාවේ ය. ස්වාමින්වහන්සේ එහිදී ඔහු අමතමින්, “බල්ලකු ලෙව කා බොන්නා සේ තම දිවෙන් වතුර ලෙව කා, බොන අය, එක් පැත්තක ද වතුර බොන්නට දණ ගසන අය අනෙක් පැත්තේ ද සිටුවන්නැ” යි පැවසූ සේක. තම අත තම මුවට තබා, ලෙව කා බිවූ ගණන තුන්සීයකි. සෙසු සියල්ලෝ දිය බොන පිණිස බිම දණ ගැසූහ.