Popular Bible Verses from දේශනාකරු 5

Share

කතා කරන්නට ඉක්මන් නො වන්න, දෙවියන්වහන්සේ ඉදිරියේ යමක් කීමට ඔබේ හදින් කඩිනම් නො වන්න. දෙවියන්වහන්සේ ස්වර්ගයේ ය; ඔබ පොළොවේ ය; එබැවින් ඔබේ වචන ස්වල්ප වේවා!

තවද දෙවියන්වහන්සේ යම් කෙනකුට ධනය හා සම්පත් ද ඒවා භුක්ති විඳීමේ හැකියාව ද තම පංගු කොටස පිළිගෙන, තම වැඩ කටයුතු ගැන ප්‍රීතිවීම ද ලබා දෙන්නේ නම්, එය දෙවියන්වහන්සේගේ දීමනාවකි.

මුදලට ආලය කරන්නා කිසි දා මුදලින් සෑහීමට නො පැමිණේ; වස්තු සම්පත්වලට ආලය වන්නා කිසි දා තම ආදායමින් සෑහීමට නො පැමිණේ. මෙය ද නිරර්ථක ය.

දෙවියන්වහන්සේගේ ගෘහයට යන කල සාවධාන ව කටයුතු කරන්න. තමන් කරන්නේ වරදක් වග නො දැන ඔප්පු කරන අඥානයින්ගේ යාග පූජාවකට වඩා සවන් දීමට ළඟාවීම හොඳ ය.

දෙවියන්වහන්සේට ඔබ බාරයක් වූ කල, එය ඉටු කිරීම පමා නො කරන්න. අඥානයින් ගැන උන්වහන්සේගේ මනාපයක් නැත; ඔබේ බාර ඉෂ්ට කරන්න.

බාරයක් වී, එය ඉෂ්ට කිරීම පැහැර හරිනවාට වඩා බාරයක් නො වී සිටීම හොඳ ය.

කම්කරුවා ආහාර අඩුවෙන් ගත්තත්, වැඩියෙන් ගත්තත් ඔහුගේ නින්ද මිහිරි ය; එහෙත් ධනවතාගේ ධනස්කන්ධය ඔහුට නිදාගන්නට ඉඩ නො දෙයි.

ඔහු තම මවගේ කුසයෙන් නික්ම එන්නේ නිරුවතිනි; ඔහු පිටත් ව යන්නේ ඔහු ආ ලෙසින් ම ය; තමන් වෙහෙස ව හරිහම්බ කර ගත් කිසිවක් ඔහු තම අතින් ගෙන, රැගෙන යන්නේ නැත.