Popular Bible Verses from Mika 4

Share

Naho amoko yose yogendera mw’izina ry’imana zabo, tweho tuzogendera mw’izina ry’UHORAHO Imana yacu ibihe bidashira.

Amahanga menshi azoza avuge ati: “Nimuze tuduge tuje ku musozi w’UHORAHO, mu ngoro y’Imana ya Yakobo. Izotwigisha inzira zayo kugira ngo tuzigenderemwo.” Kuko i Siyoni ari ho hazova ivyagezwe, ijambo ry’UHORAHO rive i Yerusalemu.

Mu misi y’iherezo umusozi uriko ingoro y’UHORAHO uzoba ushimangiwe nk’umusozi usumba iyindi yose; uzoshirwa hejuru usumbe udusozi twose; kandi amoko azohondogana aja kuri wo.

Azocira imanza amoko menshi atature amatati hagati y’amahanga akomeye ya kure. Inkota zabo bazozicuramwo amasuka, amacumu yabo bayacuremwo imihoro. Nta hanga rizosubira gutera irindi, kandi ntibazosubira kwiga ivy’intambara.