Popular Bible Verses from Hagayi 2

Share

‘Ubwiza bw’iyi Ngoro buzoruta ubw’iya kera,’ ni ko UHORAHO Mushoboravyose avuze. ‘Kandi nzozana amahoro aha hantu,’ ni ko UHORAHO Mushoboravyose avuze.”

Nzonyiganyiza amahanga yose, kandi ivyo amahanga yose yipfuza bizoza, maze nzokwuzuza ubwiza iyi Ngoro, ni ko UHORAHO Mushoboravyose avuze.

‘Ariko ubu rero shikama, yewe Zerubabeli,’ ni ko UHORAHO avuze. ‘Shikama, yewe Yosuwa mwene Yehozadaki, umuherezi mukuru. Nimushikame mukomere, namwe bantu mwese muri mu gihugu,’ ni ko UHORAHO avuze, ‘maze mukore. Kuko ndi kumwe namwe,’ ni ko UHORAHO Mushoboravyose avuze.

‘Ibi ni vyo nasezeranye namwe igihe mwava muri Egiputa. Kandi Mpwemu wanje aguma hagati muri mwebwe. Ntimutinye.’