Popular Bible Verses from Isaiah 40

Share

Ama in a thazawmte le a toite thahatsak hi.

Khangmoite ngawngawn a tha uh kiam hi; tangvalte a tha uh bo in puk thei hi. Ahihang a hu tu in TOPA a muangte in a tha uh thathak a dim kik sia mu tu uh hi. Amate muvanlaite bangin a tha uh taw leangto tu hi; amate a tai hangin toi ngawl tu uh hi; lam a pai uh hangin a thazawm ngawl tu uh hi.

He ngawl nu ziam? Za zo hi ngawl nu ziam? TOPA sia tawntung Pathian ahi hi; ama in leitung theampo bitphua hi. Ama sia toi ngeingawl a, ngim ngeingawl hi. Ama ii ngaisutnate kuama in tel ngawl hi.

Aw khat in, “Ngam tawnghtol sungah TOPA atu in lampi khat vawtkhol vun! Ih Pathian atu in sennealngam sungah lam sial vun!

Hi hi, lopate kongaw in paakte vul a, ahihang ih Pathian ii kammal sia a tawntung kip hi,” ci hi.

Tuaciang TOPA minthanna kilangh tu a, minam bup in mu tu uh hi. TOPA ama mama in hi thu kamciam zo hi,” ci hi.

Munkuam theampo dimh vun; mualpi theampo maaitamsak vun. Mualnote zaangtam suak tu a, a hamna mun kinealsak tu hi.

Tuucing pa khat taw kibangin ama in a tuuhon keamcing tu hi; ama in tuunote kaikhawmin a baan ah toai a, tuate ii puite dam takin paipui tu hi.

Van ento in! Na mu aksite akua in bitphua ziam? Ngalkap honkhat lampui bangin, aksite lam a puipa in aksite a phakza he a, khat simin a min taw sam hi! Ama vaanglian mama a — amate khat zongh peuhe ngeingawl hi!

Tuasia in van kalh ah a om leitung ii tungsia ama kumpi tokhum tungah a to pa ii vawt sa ahi hi; a nuai ah om mite sia mitsa nocik bang ahi hi. Puan dalna khat a kikhak bang le a sungah teen natu in puanbuk khat a kiphal bangin Ama in van a phalh hi.

Jerusalem mite hanthawn vun. Amate in ngei hialma thuak zo a, tu in a mawna teng kimaisak zo hi ci in son vun. A mawna theampo atu a kicingin amate daan ka pia zo hi,” ci hi.

Aw khat hong ngingin, “Thu khat thangsak in!” hong ci hi. “Bang thu thangsak tu khi ziam” ci in ka dongh hi. “Mihing theampo sia lopa taw kibang a; ngam sungah a om paakte sangin khuangei nungta zaw tuan ngawl ahi sia thangsak in. TOPA in tuate vui in a seamsak ciang lopate kongaw in paakte vul hi. Mihingte sia lopate sangin thuak zo zaw tuan ngawl hi.

Vaanglianpipa TOPA sia vaangletna taw uk tu in hong pai a, ama ii a suatak sa mite hong tonpui tu hi.

Ih Pathian in, “Ka mite heeneam vun” ci hi. “Amate heeneam vun!

Akua in khutkuak dim taw tuipi tee thei tu ziam, ahibuale a khutte taw vantung tee thei tu ziam? Akua in hai khat sungah leitung leitang heang thei tu ziam? tua ahibuale akua in mualliante le mualnote toai tee thei tu ziam? Bang vawt tu ci sia TOPA tungah akua in son thei tu ziam? Akua in ama hil thei tu ahibuale ngaisutna pia thei tu ziam? Nate bangbangin vawt tuak hi ci a, heak natu le tel natu in Pathian in akua dongh ziam?