Popular Bible Verses from फिलिप्पियों 2

Share

स्वार्थ जां झूठै घमण्डा किना किछ बि मेईं करा, पण नम्र बंणा जां ज्योता आदर तुवे ऐपुनि दींतै, तेड़ां किना जादा आदर होरनियांनि दिया। तुहां मझां सारै सिर्फ अपड़ियै भलाईरा ना पण होरनियां केरी भलाईरी बि चिंता करिया।

तुवाड़ा स्वभाव बि तेतिया भूंणा चेहिंथा, जेतिया यीशु मसीहरा स्वभाव थ्या।

बेशक मसीहरा स्वभाव परमेश्वरा समान थ्या, फिरी बि तेनी परमेश्वरा बराबर भूंणैरा जौर ना दित्ता। बल्कि तेनी अपड़ि मर्जी सिंउ अपड़ु सभ-किछ छडि दित्तु जां एकि सेवकैरा रूप धारण केया। जेख्णी सै अक मैहणु बंणी ग्या। जां तेनी मैहणुरै रूपा मझ अव्तार लै करि, अपांणा नम्र केया जां परमेश्वरेरी आज्ञा मनि करि मरनेरै तेईनी बि तियार थ्या जां एकि अपराधी सैयि क्रूसा पनि मरि ग्या।

केईनी कि परमेश्वर तुहां मझ कम काता, तुहांनि सै कम कांनेरी ईच्छा जां शक्ति प्रदान काता, जै तैस खुश काता।

ऐनि वजहि ला परमेश्वरै तेसनी सभनियां किना बडा औधा दित्ता। ताकि सभ प्रांणी यीशुरा आदर कांनेरै तेईनी जैंणु टंकिया। जां पिता परमेश्वरेरी महिमाईरै तेईनी सभ मैहणु मनि लिया कि यीशु मसीह ऐ प्रभु आ।

सारै कंम बगैर शिकायति जां लड़ाई-झगड़ै कांने बगैर कातै रिय्हा। जेनि ला तुवे निर्दोष जां पवित्र बंणी रिय्हा जां ऐन्हां ढींठ जां अड़ियल मैहणुवां मझ परमेश्वरेरै निष्कलंक बच्चै बणि गहिया। ऐस संसारेरै मैहणुवां केरै बिच तुहां असमांणेरै तारै सैयि चमकणु चेहिंथु, जबकि तुवे जीवनेरै वचन मजबूती सिंउ पकड़ी करि रींहथै।

ऐठणीरै तेईनी मिंडै मित्रो, जेख्णी आंउ तुहां सेईतै थ्या तेख्णी तुहैं हमेशा परमेश्वरेरी आज्ञायरा पालन क्यौरा। अबै जेख्णी आंउ दुरी गियौरा, ता तुहां होरी बि गल मंनणी चेहिंथी। तुहां मझियां हर मैहणु डर मनि करि जां कंपि करि सैक्यै कम कांने चेहिंथै जै तैन्हांं मैहणुवां केरै तेईनी सही अत्तै, जै परमेश्वरै बचा लियौरै अत्तै।