Popular Bible Verses from फिलिप्पियों 1

Share

जेनि परमेश्वरै तुहां मैहणुवां मझ ऐ अच्छा कम शुरू क्यौरा, परमेश्वरा सै बि पूरा कांना जेख्णी यीशु मसीह दुबारे वापस ऐईंणु, ऐस गलैरा मूं पूरा विश्वास आ।

जां आंउ ऐ प्रार्थना काता कि, योकिया मझ तुवाड़ा प्रेम बधि गहिया जां तुवे अपड़ा ज्ञान जां समझ बधींतै रैहलै। जेनि ला तुवे फैसला करि लिया कि सभनियां छै कितु आ ताकि जेख्णी मसीह वापस ऐईला ता तेख्णी तुवे पवित्र जां निर्दोष बंणी रिय्हा।

अगर आंउ जींता रींहथा ता ऐ मसीहरा आदर कांनेरै तेईनी आ जां जेख्णी आंउ मरि गांहणा ता ऐ मिन्डै तेईनी अच्छु भूंणु, केईनी कि तेख्णी मूं मसीह सेईतै रींहणु।

आंउ जेत्थरी बारी बि तुहां याद काता, तेत्थरी बारी अपड़ै परमेश्वरैरा धन्यवाद काता।

तुवे मैहणु एकि गलैरा ख्याल रखा कि तुवाड़ा चाल-चलन मसीहरी खुशखबरिरै लायक भुईया। ऐहीं-चारै चाहै आंउ तुहां किनि अईछी मिलूं, चाहै तुहां किना दूर बेशि करि तुवाड़ै बारै मझ शुणु, कि तुवे अक मंन भौ-करि विश्वासा मझ पक्कै अत्तै, जां अकजुट भौ करि खुशखबरिरै विश्वासेरै तेईनी मैहनत कातै रींहथै।

मिन्डी बड़ी ईच्छा जां आशा कि आंउ कोस बि गलै मझ शर्मिन्दा ना भूं, पण मूं मझ मसीहरै बारै मझ बोलणैरी हिम्मत भुईया, जिहीं मीं बीति गियोरै टैंमा मझ क्यौरू थियु। चाहै आंउ जींता रिहूं या मरि गहूँ, मूं अपड़ै पूरै जीवना मझ मसीहरा आदर कातै रींहणु।

केईनी कि परमेश्वरै सिर्फ तुहांनि मसीह मझ विश्वास कांनेरै तेईनी ऐ ना पण दुख सहन कांनेरा बि सौभाग्य दितौरा, केईनी कि तुवे तैस पन विश्वास कातै।