Popular Bible Verses from याकुब 3

Share

पण जै ज्ञान परमेश्वरा किना ऐईंता, सभनियां पेहिलै सै पवित्र आ, मिलनसार आ जां कोमल आ। सै होरनियां केरै आधीन रींहणै वा, ऐ दया जां अच्छै कंमै ला भरौरा, ऐत मझ कौ भेद-भाव ना जां हमेशा ईमानदार भूंता।

तुहां मैहणुवां मझ जै ज्ञानि जां समझदार भूंणैरा दावा काता अगर तुवे अत्तै ता तुवे अक अच्छा जीवन जी करि लुहाआ जां तेनी नम्रताय ला जै तुवाड़ै ज्ञानै ला ऐईंती, अच्छै कम करि-करि साबित कांनु चेहिंथु।

जां जै मिलाप कांने बाऐ अत्तै, तैन्हांं शांतिरै बीज बांणै जां धार्मिकता बाई फसल बढणी।

केईनी कि जेठि बड़ी जलन जां स्वार्थ भूंता, तैठि हर प्रकारेरी बुराई जां गड़बड़ी भूंती।

जिभै ला असै प्रभुरी जां पिता परमेश्वरेरी स्तुति कातै; जां तेनिऐ ला असै मैहणुवंनी‍ श्राप दींतै जै परमेश्वरेरै रूपा मझ बंणाउरै अत्तै। ऐठणीरै तेईनी ऐकिऐ मुहां किना आदर जां श्राप दोईयो निकूंथै। मिंडै विश्वासी भाईयो ऐहीं ना भूंणु चेहिंथु।

जिभ बि एकि आगी सैयि आ; ऐ शरीरैरा सै अंग आ जै बड़ा दुष्ट आ, जै एकि मैहणुरै पूरै जीवना नष्ट करि सकती। ऐ जिभ नरकेरी आगी सैयि भड़कती रींहथी।

पण कोई बि मैहणु अपड़ि जिभै वशा मझ ना करि सकता; सै अक ऐतेई बुराई आ, जै कदि शांत ना रींहथी जां एकि कीड़ै सैयि बड़ी हानिकारक भूंती।

मिंडै विश्वासी भाईयो, तुहां मैहणुवां मझ बड़ै मैहणु परमेश्वरेरै वचना मझ उपदेशक मेईं बंणा, केईनी कि तुहां पता कि असै जै परमेश्वरैरा वचन शिख्रांणार अत्तै असैड़ा न्याय परमेश्वरा जादा सख्ती सिंउ कांना।