Popular Bible Verses from याकुब 4

Share

ऐठणीरै तेईनी तुवे परमेश्वरेरै आधीन बेशा; जां तैस कांननी नमां करा जै शैतान चांहथा ता तैस तुहां किना नशि गांहणु।

परमेश्वरा किनि ऐईछा, ता तैस तुहां किनि ऐईणु; हे पापियो, अपड़ै जीवना किना पाप दूर करा जां तुवे जै दोगलै मैहणु अत्तै अपड़ा मंन साफ रखा।

अपड़ै आपा प्रभुरै सांमणै नम्र करा, ता तैस तुवाड़ा आदर कांना।

पण सै असु ऐतेई बुरिया ईच्छाईया केरै खिलाफ खड़ै भूंणेरै तेईनी हौरा बि जादा अनुग्रह दींता; ऐठणीरै कारण पवित्र शास्त्रा मझ लिखोरू आ कि, “परमेश्वर घमण्डी मैहणुवां केरा विरोध काता, पण नम्र मैहणुवंनी अनुग्रह दींता।”

ऐठणीरै तेईनी जै मैहणु भलाई कांना जांणता, पण काता ना, ता ऐ तेसेरै तेईनी पाप आ।

तुवे मगतै पण तुहांनि मेईंतु ना, केईनी कि तुवे गलत इरादै सिंउ मगतै, ताकि तुवे सिर्फ अपड़ि मर्जी पूरी करि सकिया।

धोखा दींणै बाऐ मैहणुवो! क्या तुहां ऐ पता ना, कि संसारेरी मित्रता तुहां परमेश्वरैरा दुशमण बंणा दींति? आंउ फिरी बोलता कि अगर तुवाड़ा मकसद ऐस संसारा मझ मोउज मानि आ, ता तुवे परमेश्वरेरै मित्र ना भौ सकतै।

पण तुहां ऐ ना पता कि दोत्तीं कितु भूंणु, शुणि ता ल्या तुवाड़ा जीवन भाखाय सैयि आ, जै थोड़ी देर लेहिंथी, फिरी हराई गांहथी।