Popular Bible Verses from इब्रानियों 4

Share

परमेश्वरैरा वचन ता जीवित जां कंम कांने वा, सैक्या दोधारी तलवारी किना बि जादा पीना। सैक्या आत्माय जां प्रांणा जां अंदर दिला तेईनी पुजता जां असेड़ै मंना केरी गलै जां मंनेरै विचार परखता।

ऐठणीरै तेईनी ऐईछा असै बिना कुनि डरै परमेश्वरा किनि सांमणै ऐईछिया; तां परमेश्वरा असुनि दया जां अनुग्रह लुहाना जां जेख्णी असु जरूरत भूंणी, तेख्णी तैस असेड़ि मजत कांनी।

ऐ महायाजक, जै यीशु मसीह आ, ऐ असेड़ि हर कमजोरी समझता; यीशु मसीह असु सैयि हर प्रकारेरी परीक्षायरा सामना केया, पण तेनी कोई बि पाप ना केया।

परमेश्वरेरी नजरिया मझ इस संसारेरी कौ बि चीज छपोरी ना, पण जै किछ बि असै अपड़ि जिन्दगी मझ क्यौरू आ, असु तेठणीरा तैस किनि एकि-एकि कंमैरा हिसाब दींणा पूंणा। तेसेरै सांमणै सारी चीजै खुलि जां सांमणै अत्ति।

ऐठणीरै तेईनी यीशु जै स्वर्गानि गियौरा, सैक्या परमेश्वरैरा पुत्र आ। सैक्या असु सभनियां केरा महायाजक आ। ऐठणीरै तेईनी ऐईछा असै तैस विश्वासा मझ पक्की मजबूती सिंउ बंणी बेशतै, जै विश्वास असै सभनियांं केरै सांमणै स्वीकार क्यौरा थ्या।

ऐठणीरै तेईनी असु तैस आराम बाई जगाय गांहणेरै तेईनी तकड़ी मैहनत कांनी चेहिंथी; ऐहीं ना भुईया, कि असै तैन्हांं इस्राएलि मैहणुवां सैयि करिया, जिहीं तैन्हैं परमेश्वरेरी आज्ञा ना मनथी; परमेश्वरेरी आज्ञा मनणै ला असै तैस आराम बाई जगाय पुजणै।