Popular Bible Verses from 1 थिस्सलुनीकियों 5

Share

तुवे हर टैंम प्रभु मझ खुश रिय्हा। लगातार प्रार्थना कातै रिय्हा। हर हालाता मझ परमेश्वरैरा धन्यवाद करा: केईनी कि प्रभु यीशु मसीहरी तुहां मैहणुवां केरै तेईनी ऐहै ईच्छा आ।

आंउ प्रार्थना काता कि शांति दींणै वा परमेश्वर तुहां पूरी तरह सिंउ पवित्र करिया, तुवाड़ा पूरा चाल-चलन आत्मा, प्रांण जां शरीर असेड़ै प्रभु यीशु मसीहरै दुबारे ऐईंणेरै तेईनी पूरी तराहि सिंउ निर्दोष रिय्हा। तुहां शदांणार विश्वासेरै काबिल आ, ऐठणीरै तेईनी तैस तुवे पवित्र भूंणा मझ काबिल बि बणांणै केईनी कि सै तुहां पवित्र भूंणेरै तेईनी शदांता।

तुवे ऐसै गलैरा ध्यान रखा कि बुराईरै बदलै कोई बि कोस सिंउ बुराई मेईं करा, पण हमेशा योकिया मझ जां सभनियां मैहणुवां केरा भला कांनेरी कोशिश करा।

ऐनि वजहि ला योकियांनि हिम्मत दिया जां परमेश्वरा पन हौरा जादा विश्वास कांनेरै तेईनी योकिया केरी मजत करा, जिहीं कि तुवे कातै बि।

हे विश्वासी भाईयो, असै तुहां सिंउ विनती कातै अत्तै कि जै विश्वासी आलसी अत्तै, तेन्हांनि चेतावनी देया, डरींणारानि हिम्मत देया, जै कमजौर अत्तै तेन्हैरी मजत करा जां सभनियांं सिंउ सहनशील बंणी करि बेशा।

केईनी कि परमेश्वरै असै गुस्सेरै तेईनी नत्तै चुणोरै, पण असै अपड़ै प्रभु यीशु मसीहरा उद्धार पांणेरै तेईनी चुणोरै अत्तै।

केईनी कि तुवे सभ ज्योतिरी सन्तान जां धियाड़िरी सन्तान अत्तै; असै राती जां अन्धारू सिंउ कोई मतलब ना रखतै।