Popular Bible Verses from 1 पतरस 3

Share

पण यीशु मसीह अपड़ै प्रभु मनि करि अपड़ै मंना मझ मसीहरै तेईनी श्रद्धा रखा जां अगर कोई तुहां किना प्रभु यीशु मसीहरै बारै मझ, जै असेड़ि उम्मीद आ, ऐठणीरै बारै मझ पुछता; ता हमेशा प्रेम जां आदर सिंउ खुश भौ-करि प्रभुरै बारै मझ शुणाणेरै तेईनी तियार बेशा, केईनी कि ऐक्या असैड़ा कंम आ। जां अपड़ै मंन बि साफ रखा; केईनी कि जैन्हां गला केरै तेईनी मैहणु तुवाड़ी बदनामी कातै, तेठणिरै बारै मझ तैन्हांं तुवाड़ा मसीह मझ चाल-चलन तका करि, ऐपुवे शर्म भूंणी।

केईनी कि प्रभुरी नजरी अच्छै कंम कांनारा पन लगौरी रींहथी, जां प्रभुरै कंन हमेशा तैन्हांं केरी प्रार्थना शुणनेरै तेईनी तियार भूंतै; पण परमेश्वर हमेशा तैन्हांं मैहणुवां केरै खिलाफ आ, जै बुरै कंम कातै।

तुवाड़ी सुन्दरता सिर्फ भेईरी दिखावटी ना भुईया, जिहीं शिर संवारनु, सुन्नैरै गहणैं ला अपांणा सजाणा या कीमति लिकड़ै लांणै, बल्कि तुहां अपांणा मंना किना ऐईंणै बाई विनम्र जां शांत व्यवहार बाई सुन्दरताय सिंउ ऐपु सुन्दर बणनु चेहिंथु। ऐ सुन्दरता कदि ना मिटती जां परमेश्वरेरी नजरी मझ कीमति आ।

केईनी कि पवित्र शास्त्रा मझ लिखोरू आ; कि जै कोई अनन्त जीवनैरा आनन्द लींणा चांहथा, जां अच्छी धियाड़ी तकांणा चांहथा, तैस तियार बेशणु चेहिंथु, कि सैक्या अपड़ु मुहाँ किना बुरी गलै ना बोलिया, झूठ ना बोलिया जां होरनियांनि धोखा ना दिया। तैस बुराई कांनी बन्द करि दींणी चेहिंथी, ऐठणीरी वजाय तैस होरनियां सेईतै शांति सिंउ बेशणैरी कोशिश कांनी चेहिंथी, जै कि बधिया बि आ।

अंत मझ, आंउ तुहां सिंउ ऐक्यु बोलणा चांहथा कि योकिया मझ अकजुट रिय्हा, जां योकिया केरी चिंता करियां करा, जां ऐकिऐ परिवारैरा भाईया सैयि प्रेम करा, होरै पन दया करा, योकिया सिंउ प्रेम-भाव सेईतै बेशा। जै बुराई काता, तैस सिंउ बदला लींणैरै तेईनी बुराई मेईं करा; ना गाईया केरै बदलै गायि दिया; तैन्हांंनि खरू बोला; केईनी कि तुवे परमेश्वरै होरनियांनि आशीष दींणैरै तेईनी चुणोरै अत्तै, ताकि तुहांनि बि आशीष मेईया।

अगर तुवे हमेशा अच्छै कंम कांनेरी कोशिश करा, ता कौ बि तुहां आत्माय मझ दुखी ना करि सकता।

तैस बुराई कांनी बन्द करि दींणी चेहिंथी, ऐठणीरी वजाय तैस होरनियां सेईतै शांति सिंउ बेशणैरी कोशिश कांनी चेहिंथी, जै कि बधिया बि आ।

अगर असेड़ै तेईनी परमेश्वरेरी ऐहै मर्जी आ, ता असेड़ै अच्छै कंमा केरी वजहि ला दुख सहन कांने असेड़ै तेईनी बधिया, केईनी कि बुरै कंम करि-करि दुख सहन कांना किना अच्छै कंम करि-करि दुख सहन कांने बधिया।