Popular Bible Verses from 1 पतरस 2

Share

पण तुवे ऐतियै नत्तै, केईनी कि तुवे परमेश्वरेरै चुणोरै मैहणु अत्तै, परमेश्वरेरी राजैरै रूपा मझ सेवा कातै, जां ऐतियै मैहणु जै परमेश्वरा सिंउ सम्बंधित अत्तै। तेनी तुवे अन्धारू किना भेईर अपड़ि अदभुत ज्योति मझ शदाउरै अत्तै, ताकि तुवे परमेश्वरेरै अदभुत कंमा केरी घोषणा करि सकिया।

यीशु मसीहनी असेड़ै पापा केरी वजहि ला क्रूसा पन सजा दित्ती। ऐ परमेश्वरेरी मर्जी ला भूं; केईनी कि परमेश्वर चांहथा थ्या, कि असै पापा किना छुड़खी करि, धार्मिकता सिंउ अच्छु जींण, जींणु शुरू करि दिया। यीशु मसीहरै जख्मै ला, जै तेनी दुख सहन क्यै; तैन्हांं दुखा सहन कांने ला, असै ठीक भौ गियोरै अत्तै। असै पेहिलै तैन्हांं भटकोरिया भ्रैडा सैयि थ्यै, जै गलत बत्तै चलि गियोरी थी; पण अबै यीशु मसीहरै वापस ऐईंणै ला, असै सही बत्तै पन चलि यौउरै अत्तै। यीशु मसीह असेड़ि आत्माईया केरा अगुवा आ, जै असेड़ि चिन्ता काता जां असु तकांता रींहथा।

भविष्यवक्तै होशे जै लिखोरू आ सै तुवाड़ै बारै मझ सच आ, कि “अक टैंम थ्या जेख्णी तुवे परमेश्वरेरै मैहणु ना थ्यै, पण अबै तुवे परमेश्वरेरै मैहणु अत्तै।” “पेहिलै तुवे परमेश्वरेरी दया ना जांणींथ्यै, पण अबै तुवे ऐस जांणतै, केईनी कि तेनी पेहिलै किना तुहां पन अपड़ि दया लुहाओरी आ।”

जिहीं चारै जमौरू छोकरू अपड़ि मयिरू दुध पींणेरी कोशिश कातु, तिहियें चारै तुहां बि परमेश्वरैरा वचन शिख्रनैरी ईच्छा रखणी चेहिंथी, ताकि तुवे आत्मिक रूप सिंउ मजबूत भौ गहिया। ऐहीं कांने ला परमेश्वरै तुवे इस संसारेरी बुरी चीजा किना बचा लींणै।

हे भाईयो, आंउ तुहां सिंउ विनती काता, कि तुवे इस संसारा मझ परदेशी मैहणुवां सैयि अत्तै; ऐठणीरै तेईनी तुवे तैन्हांं सारी पाप बाई बुराईया जां शरीरेरी गलत ईच्छाय पूरी कांना किना बचा, जै तुवाड़ी आत्माईया सिंउ हमेशा गलत कंम कांनेरै तेईनी भिड़ियूंती रींहथी। होरनियां जातिया मझ तुवाड़ा व्यवहार अच्छा भूंणा चेहिंथा। केईनी कि जै अबै तुहांनि बुरै कंम कांनारै मैहणु बोलि करि आरोप लांतै, सैहै मैहणु जैस धियाड़ी परमेश्वर ऐईला तैस धियाड़ी तुवाड़ै अच्छै कंम तका करि परमेश्वरेरी महिमा कांनी।

तुवे प्रभु यीशु मसीह किनि यौउरै अत्तै। सैक्या एकि मैहलेरी खाई मझ रखियोरै एकि खास घौड़ा सैयि आ, पण सै जींता घौड़ आ, केही मैहणु तैस ना मनींथ्यै, पण परमेश्वरै सै चुणा जां तैस बड़ै अनमोल मनता। जां जिहीं चारै मैहणु घौड़ै ला घर बणांतै, तिहीं चारै परमेश्वर तुहां अकजुट करि एकि मंडली मझ जौड़ता जैस मझ परमेश्वरैरा आत्मा रींहथा, ताकि जै यीशु मसीह असेड़ै तेईनी कियु, तेनी ला तुवे तैन्हांं याजका केरी घाट जै बलिदान चढ़ांतै, ऐतियै कम करा जै परमेश्वरा खुश कातै।

ऐठणीरै तेईनी हर प्रकारेरी बुराई जां बुरै वर्तावा किना दूर बेशा। होरनियांनि धोखा मेईं दिया, कवटी मैहणुवां सैयि मेईं बंणा। होरनियां केरा दुख मेईं करा जां कोसेरै तेईनी बि बुरी गलै बोलि करि बदनामी मेईं करा।

तुवे प्रभु यीशु मसीह किनि यौउरै अत्तै। सैक्या एकि मैहलेरी खाई मझ रखियोरै एकि खास घौड़ा सैयि आ, पण सै जींता घौड़ आ, केही मैहणु तैस ना मनींथ्यै, पण परमेश्वरै सै चुणा जां तैस बड़ै अनमोल मनता। जां जिहीं चारै मैहणु घौड़ै ला घर बणांतै, तिहीं चारै परमेश्वर तुहां अकजुट करि एकि मंडली मझ जौड़ता जैस मझ परमेश्वरैरा आत्मा रींहथा, ताकि जै यीशु मसीह असेड़ै तेईनी कियु, तेनी ला तुवे तैन्हांं याजका केरी घाट जै बलिदान चढ़ांतै, ऐतियै कम करा जै परमेश्वरा खुश कातै।

अबै तुवे पापेरै गुलाम नत्तै, केईनी कि तुवे असेड़ै प्रभु यीशु मसीहरै जरियै आजाद करि दितोरै अत्तै। पण तुवे अपड़ि आजादिरा इस्तेमाल बुरै कंम कांनेरै तेईनी बहाना मेईं बंणा। बल्कि तुहां अपड़ै कंमै ला लुहानु चेहिंथु, कि तुवे सच मझ परमेश्वरेरै सेवक अत्तै।

केईनी कि परमेश्वर चांहथा, कि तुवे अपड़ै अच्छै व्यवहारेरै जरियै तुवाड़ै खिलाफ गलत आरोप लांणै बाऐ मैहणुवां केरू मुँह बन्द करि सकिया, जै परमेश्वरा ना जांणतै।