Popular Bible Verses from ISAYAX 43

Share

Jhak heue, Aux tak sang yuh ceu pa khraox, yam in hoik lih mawh, ang pex nyang yaox lie? Aux tak yuh krax doh ka daux tiag mai rawm klawng ka tiag mhaik.

Yam tiang maix daux rawm, Aux tak ot tau mai maix mai yam tiang rawm klawng tak ang kheem maix, yam hu maix ka daux ngu maix tak ang gleeing mai rao ngu tak ang hax yuh maix.

Siyiex ah nin, “Paw lai keud pa hoik luan mai paw lai tiag cheu ka ceu pa prim.

Yam in, Siyiex, pa phan maix Yakop, pa mawh Siyiex pa phan Isarelax ah nin, “Paw lhat mawh kheu Aux hoik taoh ka maix. Aux hoik kok maix ka ceu kaux maix, maix mawh cie Aux.

Mawh kheu koe ngawh jum maix ka plak sivoe ngai Aux mai pon min pakngai mai moh ka maix, Aux tom tawx pui sonsang loh maix ka mai tawx ceu pui khankix sonsang loh ju maix ka.

Aux Siyiex, pa mawh Siyiex maix, Siyiex pa singax singeh pui Isarelax, Aux hoik tawx meung Ejiptux, mawh ngawh riang taoh ka maix mai Ethiopia mai Sebax sonsang loh maix ka

“Paw lhat heue, mawh kheu ot Aux mai maix, Aux tak viex doeh ru maix hoek khaing plak lih singaix mai Aux tak khrawm maix khaing plak klip singaix.

Aux mawh Siyiex heue, kaw pa hoik preet ka krax phit pex, sonsang yaox ka plakngai cao tix mai Aux tak ang lai doh keud ka phimap pa yuh pex.

Siyiex ah nin “Pex mawh mhai rug Aux mai siliex pa hoik laug Aux, sonsang tawng maix mai yum rhawm ka Aux mai tawng mawh Aux Siyiex, sivoe Aux ang koe Siyiex pa phan mai khaix Aux kawx tak ang koe.

Aux mawh Siyiex, lheu khaing Aux, ang koe cao taoh.

Sivoe ang singaix sawm nyang koe, Aux hoik dawg mawh Siyiex, ang koe pui rud pex lih khaing daux taix Aux, mawh pui mawx pa pon tieb ka kaing jhaw yuh Aux.

Totiag tak tawx min ka Aux, pa mawh sox praix mai sim kala uk khankix, mawh kheu tawx Aux rawm koe daux tiag mai rawm klawng ka tiag mhaik, sonsang tawx rawm nyaux ka pui Aux, pa hoik laug Aux ka. Pa mawh pui pa phan Aux son tix. Sonsang yaogyaw kix ka Aux.

Aux tak ah nin, ka caong ma laong ploi heue mai ah nin ka caong ma seh, paw teei tix priex, viex cub kawn simex Aux hoek khaing dee singai mai kawn bun Aux khaing dee sidah sidu haktiex. Pa mawh ceu pui pa hoik kok ka daux ceu kaux Aux, mawh pui pa hoik phan Aux ka son min pakngai tix, pa mawh pui hoik phan hoik yuh Aux.”

Siyiex cao pa phan krax ka daux rawm sigrit sigra mai krax ka sinax rawm pa kied ting riang. Cao pa viex ka kru naing brung mai pui naing hoek, kix it tau mai ang lai pon kaoh, hoik laux leeing mai yeet awm keei kawk ngu.

Aux mawh Siyiex, pa mawh Siyiex pa singax singeh pex, cao pa phan pui Isarelax, pa mawh simiang pex.”