Popular Bible Verses from ISAYAX 44

Share

Mawh kheu Aux tak hieh rawm ka piang pui pa simie ti nyaux rawm mai kieh rawm lan ka piang tiex kroh, Aux tak lhaok khwan tix ka piang doeh ru maix mai lhaok bwanson tix ka piang kawn saux kawn sex maix.

Siyiex simiang Isarelax mai pa taoh pui Isarelax mai Siyiex cao kru naing raoma ah nin “Aux mawh cao pa jah mai Aux mawh cao sidax; lheu khaing Aux ang lai koe Siyiex tang kaux.

Aux hoik preet krax lud pex awm paiawm mai preet phimap pex awm taox simawg, deeh lih hoek ka Aux, mawh kheu Aux hoik taoh lawd pex.

Paw khi rhawm mai paw lhat, Aux hoik krai ceu an ka pex tom yam an dix, ang mawh lie? Pex hoik mawh mhai rug Aux, lheu khaing Aux, kawn koe Siyiex tang kaux lie? Lheu khaing Aux num riah pa jah ang koe, Aux ang tawng pui tix kaux kawx.”

Siyiex pa phan pex, pa hoik phan hoik yuh pex, tom ka daux vaig mai tak teem ka pex ah nin kawncau Aux Yakop, pa mawh Yeshuron pa laug Aux eue, paw khi rhawm.