Popular Bible Verses from KALATIX 6

Share

Ex paw kieh laux rhawm ka ceu pa yuh pa mhawm mhiem, grawh grawng nawh yam hoek bawg yam ex tak sang pon ti vawg, phan ex ang khrup rhawm heue.

Mawh kheu in, yam yaox ex dee pon ti yuh, kieh ex yuh ceu pa mhawm ka pui khawmuik mai nie lheu mawh ka kix pa mawh pui geh nyiex krax yum rhawm heue.

Tix kaux lai tix kaux klawm glawm paox tix mai kieh lox lai beenli Cao Khrit naog kah heue.

Paw kieh pie ka tokaux tix, ang doh nieb pon yuh pa ang cee ang cak ka Siyiex heue. Grawh grawng nawh pui rhuat simie ceu pa yuh ka mawx ang ah, nawh tak deeh vawg ceu an heue.

Kaw pa rhuat ka daux nex nham tokaux tix, tak sang deeh vawg pa cux sium khaing nex nham heue. Kaw pa rhuat ka daux Khuan Cao, tak sang deeh vawg ju leeing ju khaing Khuan Cao heue.

Puxaik khankix eue, phan krup pui tix kaux kaux ka daux phimap pa yuh nawh, pex pa kawn dex mai khuan, khaw ti viex rhawm awn pa mhawm ti deeh cox cai nawh mhawm heue. Deeh gi ka tokaux tix, ha maix kox hoek ka krax nyaw glaw heue.

Phan pui tix kaux kaux ce tokaux tix mawh pa laoh lie, yam ang nawh mawh tidtix, nawh deeh pie ka tokaux tix tiru heue. Kieh kaux pui mawx kaux pui an tiag cheu ti yaox kaing pa yuh tix phan yuh nan nawh tak koe min pakngai ka grawng tokaux tix khaing, mai ang yaw rangdi ka tang kaux heue. Grawh grawng nawh kaux pui mawx kaux pui an tak lai klawm glawm tokaux tix heue.