Popular Bible Verses from KALATIX 5

Share

Plix cie Khuan Cao mawh, pa moh rhawm, pa gaux rhawm, pa nhim, pa lang gun lang yeung, pa chix caux rhawm, pa mhawm, pa kaux sijax, pa awn rhawm, pa chix priex rhawm tix, lox been pa sang lah cha ka ceu in khankix ang koe heue.

Aux ah nin, hu ka daux Khuan heue. Mai pex tak ang yuh ti kieh naog alo nex nham heue.

Phan ex im kheu Khuan Cao, viang pa hu ex kawx kieh mawh daux Khuan Cao heue.

Kix pa dex dawd mai Yesux Khrit, hoik tawk nex nham yum piang khaox lhak, tau mai ceu pa keud pa yuh alo nex nham heue.

Krax twah klaung pa khaw mai alo nex nham, mawh in khankix, pa phit vao mai pa yuh pa ang singax, pa chax nie luan yuh, pa krub riang grang, pa yuh pa dex mai phi, pa koeng ka paox tix, pa simah simiang, pa boh rhawm, pa song rhawm, pa thiang paox tix, pa tang gwieh paox tix, pa tang yuh cub caw, pa ghoing, pa pah pui yum, pa yoek ka plai, pa silao ti yuh pawie mai ceu pa awm in khankix, pa baox grux krai aux ka pex yam in, awm pa hoik sax grux krai aux ka pex, grawng pui pa yuh ceu in khankix tak ang lai pon sin meung Siyiex heue.

Grawh grawng nawh puxaik khankix eue, hoik kok pex sonsang mawh pui ploi, viang mawh nan paw vi shiao krax pa ploi pex, ti mawh dee duh sonsang hawt yuh alo nex nham, viang mawh nan pex tix kaux lai tix kaux yuh son paox tix ka daux krax moh heue.

Grawh grawng nawh alo nex nham mawh pa lah cha ka Khuan mai Khuan mawh pa lah cha ka alo nex nham, mawh kheu ceu in kiex mawh pa ang khaw mai paox tix, tom ang pex pon yuh ceu pa simie pex ti yuh heue.

Grawh grawng nawh lox lai beenli khawmuik hoik grum naog ka daux lox in tix gum khaing, pa ah nin, “Maix tak moh paox plawg paox nyhawm maix awm moh ka tokaux tix heue.”

Paw kieh ex lih ti mawh pa sawg min pakngai pa giex going mai paw choeng ka paox tix mai paw ghoing ka paox tix heue.

Cao Khrit hoik ploi ex sonsang mawh pui ploi, mawh kheu nan kieh kaux cong kah mai paw baox deeh kieh nien ka ceu pa sang deeh kieh mawh siliex.