Popular Bible Verses from Apocalipsis 11

Share

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

I winaq chwach i jyub' ta'aj lik petnaq koywal, xwiri, nti k-ono man ya xuriq i ij chi lik xpe awoywal. Ya xuriq i ij ka'at ni tzij pkiwi i je kamnaq, wach i ki'anom. Ya xuriq i ij chi kaya ni kisipon i je aj-anol achak, ike chi profeta, ike chi kijachom kik'aslemal chawe, ike chi kkikoj a'ij, ni'pa i nimaq xaq i ch'utiq; xaq ya xuriq i ij kasach ni kiwach ike chi ketijin chuyojik uwach i jyub' ta'aj. Keje ile xkib'ij i nimaq taq winaq chwach i Dios.

Xwiri, yin keintaq b'i keb' ajsaqinel tzij chi kikojom ki'u' as, chuya'ik i tzijonik re k-on panoq re oxib' junab' ru' nik'aj. Keje xub'ij i Dios ile chwe.

Xwiri, are xik'aw oxib' ij ru' nik'aj, i Dios xuk'unsaj chik saq chkiwach, xaq xewalij chik; xaq ni'pa i xkil ile lik xkixij ni kib' rumal.

Xaq o pki'ab' kkitz'apij i kaj man keje ile kpe ti jab', tz'aqat kki'an kipatan chub'ixkil utzij i Dios. Xaq o pki'ab' kki'an kik' che uwach i ya, xaq kkikoj itzel taq k'ax chwach i jyub' ta'aj xa ni'pa taq mul kkaj u'ankil.

I je keb' ajsaqinel tzij le, je are i pacha keb' uche'lal olivo chi je o chwach i Dios, xaq i keb' tzuk'b'al chi xaq o chwach Ire, chi Rajaw i jyub' ta'aj. We o jun kraj ku'an k'ax chke, ktiki ti chu'ankil, man o ni a' kel pkichi' ike, porb'al re pachin kraj ku'an k'ax chke. Keje ni kikamsaxik ile kki'an chke ni'pa i je ajch'oj ku'.