Popular Bible Verses from Hebreos 2

Share

Wo'or keuto pachin je o pa k'amb'al pamaj, man xaq keje ire xutij uyej, xutij i k'ax xaq xk'am upam.

Yoj xa oj winaq chi o qach'akul, xaq qab'aqil; xaq i Jesucristo are xk'un chi chwach i jyub' ta'aj, xaq o uch'akul i o ukik'el pacha ke i winaq. Keje ile are xk'unik xuya rib' che i kamik, qajsab'al re ucho'ab' i jun chi rajaw i kamik. Ile are i Itzel.

Rumali o uchak kqakoj retalil che i saq laj tzij chi qatom le, man keje ile kqo'taj ti kan i utz laj b'e.

Rumali o uchak chi lik x-on winaq chi katz kicha' kib' ku' ike. Keje ile kmajawik xu'ano, man are xuriq i ij re upatan, lik are i atz laj rajpatan i Dios, Ire lik are ukub'ib'al kik'ux man lik kril tob'al kiwach. I kamik chi xujach wi rib', are i tojb'al re kimak konojel i winaq chwach i Dios.

xwiri i Dios xu'an che i Jesús, chi k'iyal ti ij xqaj u'ij chkiwach i ángel. I Dios rumal i k'axnab'al uk'ux, i Jesús xkamsax pkik'exel konojel i winaq man lik are ile kmajaw che Ire. Wo'or koksax i nim laj u'ij uchomal rumal i uyej chi xutij qumal yoj.