Popular Bible Verses from Hebreos 1

Share

Che i Uk'ojol le kqil wi utzunb'al uchomalil i Dios; xaq i nim laj u'ij i Dios. Pacha i Jesucristo xaq keje Ire. Are i Jesucristo kok'aw utzij ru' ronojel wach i olik, ru' utzij chi lik nim ucho'ab' rok'am ile. Chrijil chik ukuyik qamak, x-e chikaj, xaq xkub'i puwiqab'im i ukub'ib'al i Dios chi o u'ij.

Ujer, i Dios xub'ij utzij chke i qatit qamam, lik k'iyalmul xub'ij chke, te'uri ike xkib'ij chke i jub'an chik winaq, jalajuj taq u'ankil xu'ano, xwiri lik xuya i utzij chke. Xwiri wo'or, che i k'isb'al taq iji, i Dios xuya retamaxik utziji chqe pub'i Uk'ojol xu'an i ulew, i ij, i ik', xaq i ch'umil. Xaq ub'im kan i Dios chi ronojel, kuya pu'ab' Uk'ojol wach taq i olik.

Konojel i ángel lik je tewalil, xaq je rajchak i Dios; je taqtal chkito'ik i winaq chi lik ketotaj ni rumal i Dios.

Xaq kub'ij: “Yet, Ajwal, chuxeb'al ij saq xakub'a i jyub' ta'aj; xaq lik xa'an i kaj. Ni'pa ile kk'is uwach, xwiri yet nti ak'isik, ronojel ij saq. Ronojel ile xa k-elab'ik pacha jumolaj k'ul.