Popular Bible Verses from Deuteronomio 6

Share

K'ax chana Awajwal Dios ru' ronojel ak'ux, ru' ronojel awanima, xaq ru' ronojel acho'ab'.

Lik arewi chak'utu chke awak'al, chalapa utzij i Ajwal chke xaipa ix o wi: Ru' ja, pa taq b'e, are katkotz'i'ik xaq are katwalijik.

Chak'olo pak'ux ronojel ni'pa i tzij chi xinb'ij chawe wo'or.

Chita pe, ix aj Israel: I Qajwal Dios lik xa jun.

Chaxima b'i utzij upixab' i Dios chuqul a'ab' xaq chanak'a chwach akrusil pacha jun ilb'al re

xaq chatz'ib'aj chke aqan re i awachoch xaq chwach uchija re i okb'al patinimit.

Chikojo u'ij i Ajwal chi i-Dios xaq xwi chrij Ire chi'ana wi ipatan. Are kiwaj uya'ik jun itzij, lik xwi pub'i i Ajwal chi'ana wi.

I Ajwal, chi i-Dios yix, kixroksaj nu b'i che ulew chi xusujuj chke iwatit imam ujer chi mam Abraham, mam Isaac xaq mam Jacob. Ile are jun nim laj tinimit chi o chomiq xaq nimaq taq ja chupam chi nti pich' uyej xitij chuyakik; ru' chomiq laj taq ja chi o jalajuj taq b'iroxik chupam chi yix taj xiwiqo; ru' chomiq laj taq k'otom chi yix taj xiworo; xaq ru' chomiq laj taq tikon re olivo xaq re uva chi yix ti xixtikawik, xwiri yix lik kitzuq ni iwib' che ronojel ni'pa ile i lik kixnoj na. Xwiri are kuk'ulmaj ile lik msach i Ajwal chik'ux chi xixresaj li pa Egipto, chila ipa ix winaq chi ix o te'eq pa k'ax rumal iwajaw.

Iri are i tzij pixab', i atb'al tzij xaq taqanik re Iwajwal Dios chi xinutaq chuk'utik chiwe yix, man kiya ni iwib' chu'anik are ix o chik chila chwach ulew chi kuya ni chiwe. Man keje ile kikoj ni u'ij Iwajwal Dios, xaq ki'an ni che ronojel ij re ik'aslemal ni'pa kub'ij i tzij pixab' xaq i atb'al tzij chi kixintaq yix chu'anik, xaq keje iwak'al, uwi imam; we keje ile ki'ano, lik k'iyal junab' uri kixk'asi'ik.

Chi'ana ronojel ni'pa i suk'ulik xaq i chom chwach i Ajwal, man keje ile utz kixel ru' ik'aslemal, xaq kixok b'i chwach ulew anb'al iwe che chi are usujum i Ajwal chke i iwatit imam ujer

Man Iwajwal Dios chi o iwu' yix, are jun Dios, chi lik nim u'ij xaq lik xwi Ire kmajawik koksax u'ij xaq lik kpe roywal chiwe, xaq o pu'ab' kusach iwach iwonojel.

Mixterej taq chkij i jub'an dios chi koksax ki'ij kumal i jub'an chik tinimit chi o chiwij chiwach.

Mik'am chik upam i Iwajwal Dios pacha xi'an chila Masah.