Popular Bible Verses from Deuteronomio 5

Share

Chatkojon chke aqajaw achuch, chrij pacha xatutaq Awajwal Dios che, man keje ile naj katk'asi'ik xaq utz ni katel ru' ni'pa ka'an chwach ulew chi kuya Awajwal Dios chawe.

Miwo'taj i b'e chi uk'utum i Ajwal i-Dios chiwe, man keje ile lik utz ik'aslemal xaq lik k'iyal junab' kixk'asi ni chwach ulew chi kuya i Ajwal chiwe.

Mamej awib' xaq maxuk awib' chkiwach, man Yin in Awajwal Dios, lik nim in-ij xaq lik xwi Yin kmajawik koksax in-ij. I qajawxelab' xaq i chuchxelab' chi tzel kinkilo xaq ktitat kipam chwe kinya ni utojb'alil kimak le pkiwi kak'al, pkiwi kimam, xaq pkiwi kimuq kixikin. Xwiri kink'ut ni rutzil ink'ux chke uk'iyal winaq, chi k'ax kinkina'o, chi xaq kekojon che intzij inpixab'.

Ma'an taq jun atiox re kakoj u'ij, xaq ma'an taq uk'exwach ni'pa o chikaj, ni'pa o chuxe' ulew, xaq ni'pa o pa ya, ni'pa ile lik makoj ki'ij.

Meaya jub'an chik dios awu', man xwi Yin in Dios.

To' mawetz'b'ej ub'i Awajwal Dios, man Yin chi in Ajwal kinya ni utojb'alil che i jun chi to' kretz'b'ej inb'i.

Utz wetene arewi keje ile kki'ano chi kkikoj in-ij, xaq ij ij kkiya kib' chu'anik chrij pacha kub'ij intzij inpixab', man keje ile, ike xaq i kak'al lik chom ni kik'aslemal ronojel ij saq.

Chk'un i ij sábado chak'ux re kojb'al in-ij chrij pacha ub'im Awajwal Dios chawe.

Marayij uwach rachoch alok'anij xaq marayij uwach i rixoqil, i uwinaq chi je o pa k'ax rumal ire, ub'oyex, u'axna, lik mijun ub'itaq re alok'anij marayij taq uwach che.

Mamin awib' ru' jun ixoq we awixoqil taj, xaq keje jun ixoq mumin rib' ru' jun achi we rachijil taj.

Manuk' tzij chrij alok'anij.

Matkamsanik.

Matela'ik.

Chk'un chak'ux chi xaq yet at o te'eq pa k'ax rumal awajaw chila pa Egipto, chila xatresaj wi li Awajwal Dios ru' nim laj ucho'ab'. Rumali Awajwal Dios katutaq che i uxlanem che i ij sábado.

Waqib' ij katchakun na xaq ka'an ni ronojel ni'pa i rajwaxik ka'ano. Xwiri che uwuq ij, lik are ni jun ij re uxlanb'al ij, re kojb'al u'ij Awajwal Dios; mijun chak ka'an che i ij le, xaq keje ak'ojol, ami'al, awinaq chi je o pa k'ax awumal, ab'oyex, a'axna, mijun chke achikop, xaq mijun chke aj naj chi je jeqel pa taq atinimit, man keje ile i ataqon xaq awajke'el ke'uxlan na pacha yet.

Yin in Awajwal Dios, chi xatwesaj li pa Egipto, chila ipa antal wi te'eq winaq chawe chi at o pa k'ax rumal i awajaw.