Popular Bible Verses from Deuteronomio 7

Share

Chiwetamaj ut i Ajwal, chi qa-Dios, lik are i Dios saqil, i utrat Ire lik saqil xaq lik ku'an ni ku' i lemajil pa taq lemajil chi k'ax kkina ire, xaq kki'ano chrij pacha kub'ij utzij upixab'.

Man yix ix are jun tinimit chi u'ulum i Dios chi lik re Ire, i Ajwal ix u'ulum chkixol i jub'an chik tinimit chwach i jyub' ta'aj, man lik nim i'ij chkiwach i jub'an chik le.

I Ajwal xixresaj li pa Egipto ipa ix o wi te'eq pa k'ax, lik ru' nim laj ucho'ab' xixresaj li pu'ab' ma faraón, man lik k'ax kixuna'o xaq xraj chi ku'an na pacha i sujunik chi xu'an chke iwatit imam.

I Dios lik k'ax xixuna yix xaq xixu'ulu, rumal ti che we lik ix k'i chkiwach i jub'an chik winaq chwach i jyub' ta'aj, man saq laj tzij yix lik xa ix keb' oxib' koq chkiwach i jub'an chik.

Yix lik kya' ni utzil chomal piwi chkiwach i jub'an chik tinimit, mijun ixoq chixol yix we kk'aqtaj taj xaq mijun achi we kuk'uwalij ti rak'al, xaq keje ichikop atitab' xaq je mama'ib' mijun chke we kk'iji ti taq rak'al.